洋泾浜

洋涇浜，是老底子上海個一條河浜。大約莫2公里長，弗到20米寬，流進黃浦江。伊是英法租界個界河，北岸是英租界，南岸是法租界，大樣莫仔是今朝個延安東路（外灘到西藏中路段）。1914年-1915年，兩租界合作，拿河浜填脫造路，洋涇浜連同兩岸個小路才變成功一條東西向大馬路。

洋涇浜丄有過弗少橋：外洋涇橋（外灘）、二洋涇橋（四川路）、三洋涇橋（江西路）、三茅閣橋（河南路）、帶鈎橋（山東路）、鄭家木橋（福建路）、東新橋（浙江路）、北八仙橋（雲南路）咾啥個。

當年租界辰光，洋涇浜個特殊地理位置形成特殊個集市，常年有小販從黃浦江划船進來叫賣，又有相當數量個小攤販從華埠等地界來到此地，多數集中勒浜丄個橋浪。為仔招攬外國生意，小販形成仔弗標準個英語，俗稱「洋涇浜英文」，後手來「洋涇浜」也畀泛指成某種言話發音勿准着個現象或人^[1]。