From Wikipedia, the free encyclopedia
ოორუე ატლანტიკური აპიჯაფაშ ორგანიზაცია, ნატო (ინგ. North Atlantic Treaty Organisation, NATO; ფრანგ. Organisation du traité de l'Atlantique nord, OTAN), ოურდუმე რსხუქ დირსხუ 1949 წანაშ 4 პირელს ვაშინგტონს, ნამუშ დჷმარსხუაფალო იკოროცხუნა ააშ,დიდი ბრიტანეთი, საფრანგეთი, ბელგია, ნიდერლანდეფი, ლუქსემბურგი, კანადა, იტალია, პორტუგალია, ნორვეგია, დანია, ისლანდია. ალიანსიშ თარი ღანკი რდჷ სხუნუეფიშ რსხუშე მუმალი საფრთხეშ განეიტრალება ართამი ნძალეფით. მოგვიანაფილო, ალიანსშა 1952 წანას ქიმიღეს საბერძნეთი დო თურქეთი.
ოორუე ატლანტიკური აპიჯაფაშ ორგანიზაცია
North Atlantic Treaty Organisation | |
---|---|
დორცხუაფაშ თარიღი: | 4 პირელი, 1949 |
ტიპი | ოურდუმე ალიანსი |
დუდი ოფისი | ბრიუსელი, ბელგია |
მაკათურეფი | |
ოფიციალური ნინეფი | ინგლისური, ფრანგული |
გენერალური მელამოსე | იენს სტოლტენბერგი |
ოურდუმე კომიტეტიშ დუდმახვენჯი | პეტრ პაველი |
ვებ-საიტი | http://www.nato.int |
1955 წანას თინეფს ქაკათჷ გერმანიაშ ფედერაციულ რესპუბლიკაქ. 1982 წანას ალიანსშა ქიმიღეს ესპანეთი. 1991 წანას, სხუნუეფიშ ფაჩუაშ უკული, ნატოქ პრაქტიკულო უფუნქციე ორგანიზაციათ გინირთჷ, მარა თე ორგანიზაციაქ ფაჩუაშ მანგიორო 1999 წანას ახალი მაკათურეფი - ჩეხეთი, პოლონეთი დო უნგრეთი ქიგიძინჷ. 1999 წანას ააშ-იშ დუდალათ ალიანსიქ ოჰაერე რალაფი ქიმიღჷ იუგოსლავიაშ ნანანოღა ბელგრადშა.
2004 წანას ალიანსიშა ქიმიღეს ახალი მაკათურეფი: ესტონეთი, ლატვია, ლიეტუვა, რუმინეთი, სლოვაკეთი, სლოვენია დო ბულგარეთი. რუსეთიშ დიდი აწმარენჯობაშ უმკუჯინალო, ნატოს კინე ულამუ მუში რანწკეფიშ გოფართინაფა.
ორგანიზაციაშ შტაბ-ბინა იდვალუაფუ ბელგიაშ ნანანოღა ბრიუსელს. 2009 წანაშე ალიანსიშ რსულალობამი მაკათურეფი რენა ალბანეთი დო ხორვატია. 2017 წანაშ მანგიშ თუთაშე ალიანსიშ რსულალობამი მაკათური რე მონტენეგრო.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.