Pang-chān:林岳平

From Wikipedia, the free encyclopedia

Remove ads

林岳平1982年1月28出世),偏名「大餅」、「餅總」,是臺灣野球教練、退役職業野球選手,現任統一7-ELEVEn獅總教練,選手時期兮守備位置是投手,13年職棒生涯留有129擺救援成功兮紀錄,捌是救援成功兮紀錄保持人,一直到2023年4月5號才予陳韻文達成130擺超過。另外伊嘛捌夆認為生甲足成日本野球投手高津臣吾上原浩治

Quick facts 林岳平, 統一7-ELEVEn獅 – No. 11 ...
Quick facts 得到兮獎, 野球 ...


Remove ads

經歷

  • 高雄市三民區獅湖國小少棒隊
  • 高雄市五福國中青少棒隊
  • 高雄市三民高中青棒隊
  • 臺灣電力野球隊
  • 國家儲訓野球隊
  • 中華職棒統一獅代訓球員
  • 中華職棒統一7-ELEVEn獅(2005年-2017年)
  • 中華職棒統一7-ELEVEn獅二軍投手教練(2018年-2019年)
  • 中華職棒統一7-ELEVEn獅一軍代理總教練(2019年10月14-2020年10月24)
  • 中華職棒統一7-ELEVEn獅一軍總教練(2020年10月24-)
  • 中華成棒代表隊總教練(2022年9月-2023年3月)

電影演出

  • 球愛天空》:家己(2012年)

生涯

球員時期

林岳平佇2004年中華職棒頭一屆替代役選秀會內底以第一輪第四位予統一獅揀着。拄開始以先發為主,後來着開始專職救援,並且佇2013年8月15佇臺南市立野球場對戰義大犀牛,佇9局上後援1局無失分,達成生涯第125擺救援成功,超過前隊友凱撒(Mike Garcia)兮124擺。

2007年5月17,林岳平因為心臟兮問題,蹛院進行手術,過程予彼當陣任職國立中央大學天文研究所孫維新教授翕做紀錄片[1]。仝年9月21轉去到職棒出賽,頭一个打席着共兄弟象選手陳江和三振 (sa̋n-sín)掉,球速上緊嘛有147公里,2008年球季內底已經通投出過去兮154公里球速。

2018年,36歲兮林岳平宣布結束伊兮球員生涯,轉任教練職務,結束13年兮職棒生涯,129擺救援成功成做彼當陣中華職棒救援兮上懸紀錄。2018年3月25,佇統一7-ELEVEn獅主場開幕戰賽後舉辦引退儀式[2]

教練時期

2020年球季,林岳平成做統一7-ELEVEn獅兮代理總教練,佇下半季得着冠軍了後正式成做總教練[3]

2020年臺灣大賽,佇1勝3敗兮情形𤆬領統一7-ELEVEn獅倒贏中信兄弟,佇追平對手了後兮賽後記者會,猶原講「猶未到生死一戰,只是勝負一戰爾。」[4],落尾達成𤆬兵頭一冬着𤆬領球隊得着總冠軍[5]

2021年11月18,雖然統一7-ELEVEn獅以3:4輸予富邦悍將,但是仝一日兮另外一場味全龍以11:2拍敗下半季排名第二兮中信兄弟予統一7-ELEVEn獅用非自力封王兮方式得着下半季冠軍,進入臺灣大賽挑戰二連霸。但是落尾統一7-ELEVEn獅佇2021年臺灣大賽拍出四連敗,予中信兄弟攄光頭,無緣𤆬領統一獅達成二連霸。仝年12月16,林岳平蹛院接受第二擺兮心臟手術[6]

2022年5月17,統一7-ELEVEn獅球團發表聲明證實林岳平確診COVID-19,暫時予首席教練高志綱代理總教練[7]

2022年9月12,中華職棒佇經過五路討論了後,確定會予40歲兮林岳平出任2023年經典賽中華隊總教練,嘛成做經典賽臺灣史上上少年兮總教練[8]

Remove ads

特殊事蹟

  • 捌入選2004年亞典奧運國家隊國手,毋過落尾佮莊宏亮做伙夆割疼。
  • 2006年8月31,佇新竹野球場對戰兄弟象投出154公里兮球,是彼當陣中華職棒本土上緊兮紀錄。
  • 捌佇2008年臺灣大賽第五戰賽後,因為有象迷提林岳平兮心臟講耍笑閣唱聲,予伊夯起來對看臺比出割喉兮動作,結果獅隊兮バス (bá-suh)欲離開球場兮時予象迷包圍,要求林岳平對伊割喉兮動作會失禮[9]
  • 2009年得着中華職棒20年兮「年度救援王」。
  • 2010年4月21,佇臺南市立野球場對戰兄弟象,投出154公里兮球,佮個人和中華職棒兮紀錄平懸。
  • 2011年8月12佇大埤湖野球場對戰La new熊,得着本季第25擺救援成功,嘛是伊生涯第83擺救援成功,超過劉義傳成做本土投手第一儂。
  • 2011年8月16,佇臺中野球場對戰興農牛,投出156公里兮球,賽後予聯盟列入去正式記錄,拍破家己原本兮154公里,創造中華職棒本土上緊兮球速紀錄,而且嘛佮聯盟紀錄平懸[chù 1]
  • 2013年3月31到8月8號創造連紲58閣2/3局無 hőng-bú-láng
  • 2020年球季,職棒生涯頭一擺接任總教練,着𤆬領球隊得着中職總冠軍。
  • 2022年4月17佇臺南市立野球場對戰中信兄弟兮比賽,比賽進行到12局下半延長賽,內野手林靖凱走轉去本壘原本是判得分,但是經過電視輔助判決了後改判出局,林岳平對這个判決不滿,佮裁判發生衝突,閣共帽仔擲去塗跤,隨夆驅逐出場,予中華職棒聯盟罰款一萬箍,毋過無禁賽[10]
  • 2023年4月5號,統一獅隊陳韻文大埤湖野球場對戰味全龍,九局上上場投球,得着上尾一个出局數,予統一7-ELEVEn獅以3:1贏球,得着生涯第130擺救援成功,超過林岳平對2013年開始保持欲十冬兮129擺記錄[11]
  • 2025年4月12,𤆬領統一獅佇臺北大巨蛋拍敗味全龍,成功得着執教生涯第三百勝,是中職史上第五儂[12]

職棒生涯成績

球員時期

More information 年度, 球隊 ...

教練時期

More information 年度, 球隊 ...
Remove ads

註跤

  1. 2013年予彼當陣佇兄弟象米吉亞拍破紀錄。

參考資料

外部連結

Loading related searches...

Wikiwand - on

Seamless Wikipedia browsing. On steroids.

Remove ads