Pang-chān:樂天桃猿
From Wikipedia, the free encyclopedia
Remove ads
樂天桃猿是中華職棒兮一支球隊，前身是Lamigo桃猿、La New熊、第一金剛。主場佇樂天桃園野球場。2006年La New熊得着隊史頭一个冠軍，後來兮Lamigo毋但改變了中華職棒兮加油方式，閣佇2014年到2019年拍出「6年5冠」，其中包含2017年到2019年兮三連霸。
 |
Chit phiⁿ bûn-chiuⁿ ū Pe̍h-ōe-jī ê pán-pún. Chham-khó chit phiⁿ bûn-chiuⁿ ê Pe̍h-ōe-jī pán-pún. |
Remove ads
歷史
第一金剛（2003年）
2003年，臺灣大聯盟佮中華職業棒球聯盟合併，臺灣大聯盟兮臺北太陽佮高屏雷公合併做太陽隊，閣佮臺中金剛和嘉南勇士合併兮金剛隊交換隊名，成做第一金剛。第一金剛頭一年戰績誠無理想，規季20勝71敗9和，.220兮勝率嘛是中職歷史內底上低兮紀錄。其中面對兄弟象20場攏無贏（2和18敗），一直到隔年3月4號La New熊才共這个無面子兮紀錄結束掉。
年尾第一金控因為法律上兮問題，無法度繼續經營球隊，落尾共球隊賣予聲寶公司旗下兮達盛公司，閣予La New贊助經營，名改做La New熊。
La New熊（2004年－2010年）
La New熊認養大埤湖野球場，共主場設佇遐，是中職第二个有家己兮主場（頭一个是統一獅）佮二軍兮球隊，閣是頭一个落實主場制度兮球隊。佇球團史頭一戰，着欲佇主場對戰舊年毋捌拍贏過兮兄弟象，落尾是蔡泓澤佇10局下摃出再見hőng-bú-láng，予La New以2:3倒贏。
2006年6月27，因為統一獅輸予中信鯨，La New熊得着隊史兮頭一个季冠軍；下半季閣以29勝9敗3和、勝率.763兮成績拍破中職上少場次封王兮紀錄，是中職第3个上下半季攏得着冠軍兮球隊（頭兩个是兄弟象佮統一獅）。10月25，La New熊四戰攏贏拍敗統一獅，得着2006年兮中職總冠軍，嘛是
Lamigo桃猿（2011年－2019年）
.jpg)
2011年因為球隊搬去桃園[3][4]，着改名號做Lamigo桃猿。Lamigo佇改名了後兮頭一冬着以下半季第一佮全年球季第一，進入臺灣大賽，嘛予兄弟象斷站連紲三冬拍入去總冠軍賽兮紀錄。但是落尾佇臺灣大賽以1勝4敗輸予統一7-ELEVEn獅。2012年Lamigo閣一擺拍入去臺灣大賽，對手仝款是統一7-ELEVEn獅，落尾以4勝1敗復仇成功，得着2012年兮中華職棒總冠軍，代表中華職棒參加亞洲職棒大賽，最後佇冠軍賽以3:6輸予讀賣巨人，得着亞軍。
2013年，Lamigo參考韓國職棒推出「猿風ő͘-ián」，沓沓仔開始用電子音樂取代鼓吹，閣共規年60場主場攏排佇桃園國際野球場，後來嘛成做其他球隊學習兮對象。2014年參考美國職棒推出「全猿主場」，共客隊兮ő͘-ián區徙去外野，內野毋管一壘側抑是三壘側攏成做主隊兮ő͘-ián區，佇主場嘛全部攏用電子音樂。這年Lamigo嘛順利入去到臺灣大賽，並且以4勝1敗拍贏中信兄弟，得着總冠軍。對這年開始，Lamigo嘛佮日本職棒兮千葉
2015年Lamigo推出「Lamigo TV」，是中職頭一个有專門頻道兮球隊。6月13，因為義大犀牛以2:11輸予統一7-ELEVEn獅，Lamigo正式封王，得着隊史第8个上半季冠軍。這年是佮中信兄弟連紲兩冬佇臺灣大賽拄着，雖然前4場拍了Lamigo以1:3落後中信兄弟，但是落尾Lamigo拍出三連勝，明星閣佇第7戰投出中華職棒總冠軍賽兮頭一擺完投完封無安打比賽，以0:11拍敗中信兄弟，得着總冠軍，嘛達成隊史頭一擺兮二連霸[5]。
2016年林智勝轉隊去中信兄弟，陳金峰嘛宣佈欲佇這年引退。落尾Lamigo毋但無法度挑戰三連霸，閣佇2015年球季填底，距離頂擺填底已經有11年矣。
.jpg)
2017年對3月28兮主場開幕戰開始一直到4月22，Lamigo佇主場拍出10連勝，是隊史上好兮紀錄。6月25拍敗中信兄弟得着上半季冠軍，閣佇10月11以9:7拍敗統一獅，包辦上下半季冠軍，全年度78勝嘛拍破中華職棒兮紀錄。落尾佇臺灣大賽以4勝2敗拍贏透過挑戰賽晉級兮中信兄弟，得着2017年兮年度總冠軍。
2018年4月8號到21號，Lamigo拍出9連勝，佮隊史紀錄平濟[6]。佇4月結束兮時，干焦拍26場着得着20勝破聯盟兮紀錄[7]。6月17，Lamigo佇主場拍敗中信兄弟，得着上半季冠軍，嘛是隊史頭一擺連紲三个球季攏得着季冠軍[8]。10月5號，Lamigo拍敗富邦悍將得着下半季冠軍，連紲兩冬包辦上下半季冠軍，佇臺灣大賽得着一場兮保送勝。落尾Lamigo以4勝2敗拍贏對挑戰賽晉級兮統一7-ELEVEn獅，完成2連霸。
2019年6月25，Lamigo拍敗統一7-ELEVEn獅，加上富邦悍將佮中信兄弟平手，Lamigo得着上半季冠軍，連紲5个半季得着冠軍嘛是中職兮新紀錄。7月3號，Lamigo宣佈欲共球隊賣掉[9][10][11]，落尾佇9月19宣佈欲賣予樂天[12][13][14]。10月17，Lamigo佇臺灣大賽以4勝1敗拍敗中信兄弟，Lamigo完成球團史頭一擺嘛是上尾一擺三連霸[15]。10月26，Lamigo桃猿舉辦告別賽，吸引滿場兮2萬0810儂入場，落尾Lamigo桃猿以3:1拍贏La New熊[16]。12月17，球隊宣佈共名改做樂天桃猿[17][18][19][20]。
樂天桃猿（2020年－）
2022年7月10號，樂天佇樂天桃園野球場對戰味全龍，最後贏球得着球隊賣掉了後兮頭一个季冠軍[21]，落尾嘛以年度戰績第一晉級臺灣大賽。但是來到臺灣大賽，樂天面對佇挑戰賽拍贏味全龍晉級兮中信兄弟四戰攏輸[22]。隔年10月22，樂天佇樂天桃園野球場以9:11拍贏中信兄弟，確定以年度第3進入季後挑戰賽[23]。10月30，樂天拍贏統一7-ELEVEn獅，三戰攏贏晉級臺灣大賽[24]，但是佇臺灣大賽以3勝4敗輸予味全龍，連紲兩冬佇臺灣大賽失利[25]。
2024年9月29，因為中信兄弟下半季封王，樂天確定通以年度第三名進入季後賽，但是佇挑戰賽內底以1勝3敗輸予統一7-ELEVEn獅，佮總冠軍賽無緣。
Remove ads
逐年成績
Wikiwand - on
Seamless Wikipedia browsing. On steroids.
Remove ads