Pang-chān:2025年臺灣大賽

2025年中華職棒總冠軍賽，正式名稱是2025 CPBL中華電信臺灣大賽^[1]，是中華職棒36年兮上尾一个系列賽，系列賽是七戰四勝制，先得着四勝兮球隊着是該年兮總冠軍；系列賽佇2025年10月18到10月27進行，分別佇臺北大巨蛋、樂天桃園野球場佮臺中洲際野球場舉行，參賽兮兩支球隊分別是下半季佮全年冠軍兮中信兄弟佮季後挑戰賽拍贏兮樂天桃猿，是這兩隊第六擺佇總冠軍賽交手^[2]。落尾樂天桃猿以4勝1敗得着冠軍。

Chit phiⁿ bûn-chiuⁿ ū Pe̍h-ōe-jī ê pán-pún. Chham-khó chit phiⁿ bûn-chiuⁿ ê Pe̍h-ōe-jī pán-pún.

2025年中華職棒總冠軍賽

球隊／勝場 總教練 季賽 樂天桃猿（4） 古久保健二 62W 57L 1T 勝率：.521 中信兄弟（1） 平野惠一 70W 50L 0T 勝率：.583
日期	10 / 18～10 / 27
MVP	威能帝
優秀球員獎	成晉（勝隊） 韋禮加 [en]（敗隊）
< 2024 臺灣大賽

登錄名單

2025年中華職棒總冠軍賽32儂登錄名單

樂天桃猿	守位	中信兄弟
蘇俊璋 · 陳柏豪 · 陳冠宇 · 陳克羿 · 魔神樂 · 朱承洋 · 凱樂 [en] 邱駿威 · 威能帝 · 林子崴 · 賴胤豪 · 王志煊 · 黃子鵬 · 莊昕諺	投手	林暉盛 · 魏碩成 · 王凱程 · 鄭凱文 · 江忠城 · 羅戈 · 鄭浩均 李振昌 · 李博登 · 蔡齊哲 · 呂彥青 · 盧孟揚 · 伍立辰 · 韋禮加 [en] · 吳俊偉
宋嘉翔 · 林泓育 · 張閔勛 · 嚴宏鈞	捕手	陳統恩 · 高宇杰 · 徐博瑋
梁家榮 · 林承飛 · 林子偉 · 林立 林智平 · 許賀捷 · 馬傑森 · 李勛傑	內野手	王威晨 · 張仁瑋 · 陳俊秀 · 林志綱 王政順 · 黃韋盛 · 許基宏 · 江坤宇 · 岳東華
成晉 · 余德龍 · 林政華 · 何品室融 · 鍾玉成 · 陳晨威	外野手	曾頌恩 · 許庭綸 · 詹子賢 · 宋晟睿 · 岳政華

逐場賽況

賽程	G1	G2	G3	G4	G5	G6	G7
比賽結果	10/18 大巨蛋 樂天  3  :  0  中信	10/19 大巨蛋 樂天  2  :  1  中信	10/21 大巨蛋 中信  2  :  0  樂天	10/26 桃園 中信  1  :  3  樂天	10/27 洲際 樂天  9  :  7  中信	10/28 洲際 毋免進行	10/29 洲際 毋免進行

第一場（10月18）

2025年中華職棒總冠軍賽  G1  （2025/10/18 拜六，地場：大巨蛋，開始時間：17:05，進行時間：02:34）
樂天  3  :  0  中信													投手成績	打擊成績	相關資料
球隊	1	2	3	4	5	6	7	8	9	R	H	E	勝投：魔神樂（1W） 敗投：羅戈（1L） 救援成功：朱承洋（1SV）	勝利打點：梁家榮（1上） 全壘打：無	MVP：魔神樂 主審：張展榮 觀眾人數：40,000
樂天	1	0	2	0	0	0	0	0	0	3	9	0
中信	0	0	0	0	0	0	0	0	0	0	4	0

臺灣大賽第一戰，樂天桃猿派出魔神樂先發，迎戰中信兄弟兮羅戈。

一局上，林立敲出倒外野 gó͘-lo͘h，一壘安打。偷壘上二壘了後，靠梁家榮敲出中外野兮一壘安打，有1分打點，二壘走者林立轉去本壘得分，猿隊先得着分1：0領先^[3]。

三局上，林子偉敲出正外野一壘安打，閣展開猿隊攻勢，後一番林智平揀着四䆀球保送形成得點圈有儂，梁家榮閣敲出倒外野兮一壘安打貢獻1分打點，張閔勛嘛用安打共隊友推進到二、三壘，中信兄弟投手閣發生暴投，樂天閣得着一分，共領先擴大到3：0^[3]。

羅戈本場比賽面對樂天三輪打者干焦投出5局失3分兮內容，雖然無理想毋過猶原佇有機會逐着兮範圍內底，中信兄弟牛牢嘛無閣予樂天得着分數。但是對面魔神樂表現閣較好，佇歇無啥充分兮情形之下家己投7局無失分，閣加上牛牢陳冠宇佮朱承洋關門，落尾樂天3：0拍贏，系列賽以1−0領先。

第二場（10月19）

2025年中華職棒總冠軍賽  G2  （2025/10/19 禮拜，地場：大巨蛋，開始時間：17:05，進行時間：02:54）
樂天  2  :  1  中信													投手成績	打擊成績	相關資料
球隊	1	2	3	4	5	6	7	8	9	R	H	E	勝投：威能帝（1W） 敗投：李博登（1L） 救援成功：朱承洋（2SV）	勝利打點：林立（1上） 全壘打：林立	MVP：威能帝 主審：紀華文 觀眾人數：40,000
樂天	1	0	0	0	0	0	1	0	0	2	12	0
中信	0	0	0	0	0	0	1	0	0	1	6	0

臺灣大賽第二戰，樂天桃猿派出威能帝先發，迎戰中信兄弟兮李博登。

一局上，李博登投第一球着予林立摃出中外野兮 hŏng-bú-láng，樂天先得着分，後來閣有幾若擺兮攻勢，毋過李博登足緊着回穩表現𣍐 (bē)䆀，6局先發干焦失一分爾爾。

七局上樂天閣出現攻勢，兩支安打閣加上保送攻占滿壘，林子偉敲出內野 gó͘-lo͘h 用出局數換轉來樂天兮第2分。

佇中信兄弟方面，打線嚴重熄火，佇威能帝7局兮主投之下，毋但摃𣍐 (bē)出 hŏng-bú-láng 嘛無法度透過安打兮串連共分數拍轉來。二局下詹子賢敲出深遠兮安打但是死佇二壘頭前。七局下許基宏拍出二壘安打，閣靠隊友 gó͘-lo͘h 推進佮威能帝暴投走轉去本壘，結束中信兄弟本屆臺灣大賽15.2局無得着分數兮局面。

八局下，中信兄弟開局兩支一壘安打，閣加上林智平判斷錯誤形成無儂出局滿壘，但是黃韋盛敲出 gó͘-lo͘h 造成本壘封殺，曾頌恩代打閣形成雙殺，中信兄弟逐平甚至是倒贏上好兮機會自按呢無去，予陳冠宇成功共守落來。

九局下，中信兄弟二壘安打加上死球，閣一擺形成無人出局一二壘有儂兮好開局，但是詹子賢三壘 gó͘-lo͘h 予林智平策動雙殺，朱承洋閣一擺關門成功，樂天2：1拍贏第二戰，系列賽以2−0領先。

第三場（10月21）

2025年中華職棒總冠軍賽  G3  （2025/10/21 拜二，地場：大巨蛋，開始時間：18:35，進行時間：02:37）
中信  2  :  0  樂天													投手成績	打擊成績	相關資料
球隊	1	2	3	4	5	6	7	8	9	R	H	E	勝投：韋禮加 [en]（1W） 敗投：黃子鵬（1L） 救援成功：李振昌（1SV）	勝利打點：詹子賢（2上） 全壘打：詹子賢	MVP：韋禮加 [en] 主審：王俊宏 觀眾人數：37,088
中信	0	1	1	0	0	0	0	0	0	2	7	0
樂天	0	0	0	0	0	0	0	0	0	0	6	1

臺灣大賽第三戰，中信兄弟派出韋禮加 [en]先發，迎戰樂天桃猿兮黃子鵬。

二局上，詹子賢摃出倒外野孤分 hŏng-bú-láng，中信兄弟領先，三局上兩出局王政順用二壘安打閣得着1分。

黃子鵬主投4.2局着落場，接手兮樂天牛牢無予中信兄弟閣得分，但是打線予韋禮加封鎖，有一點仔攻勢嘛攏予中信兄弟兮防守共守落來。落尾中信兄弟2：0拍贏，系列賽逐甲1−2。

第四場（10月26）

2025年中華職棒總冠軍賽  G4  （2025/10/26[chù 1] 禮拜，地場：桃園，開始時間：17:05，進行時間：02:43）
中信  1  :  3  樂天													投手成績	打擊成績	相關資料
球隊	1	2	3	4	5	6	7	8	9	R	H	E	勝投：陳冠宇（1W） 敗投：羅戈（2L） 救援成功：朱承洋（3SV）	勝利打點：陳晨威（8下） 全壘打：許基宏、陳晨威	MVP：陳晨威 主審：尤志欽 觀眾人數：18,000
中信	0	0	0	1	0	0	0	0	0	1	4	1
樂天	0	0	1	0	0	0	0	2	X	3	6	1

臺灣大賽第四戰原本兮先發投手是中信兄弟鄭浩均對戰樂天桃猿凱樂 [en]，但是因為北臺灣連紲幾若工天氣䆀，經過雙方佇中職聯盟開會協商了後，同意共比賽直接延到10月26。歇幾若工了後，中信兄弟派出第一戰先發投手羅戈，樂天桃猿派出第二戰先發投手威能帝。

三局下，樂天開局連紲2支安打，但是戰術失敗干焦靠對手失誤走轉來1分，攻勢嘛因為雙殺自按呢無去。

四局上，許基宏摃出正外野孤分 hŏng-bú-láng 共比數逐平。

六局上，中信兄弟靠威能帝傳球失誤佮許基宏一壘安打，無儂出局攻占一三壘，但是威能帝隨靠連紲3擺 săn-sín 化解危機，留落來6局失1分兮優質先發。

八局下，羅戈佇投出保送了後落場，吳俊偉掠着2个出局了後予陳晨威摃出正外野兮兩分 hŏng-bú-láng，樂天閣隨靠兩支內野安打佮保送形成滿壘，後來是蔡齊哲避免傷害繼續楦大。

九局上，中信兄弟佇兩出局了後連紲換代打，陳俊秀佮曾頌恩面對朱承洋攏敲出安打攻佔一、三壘，但是宋晟睿拍出游擊方向兮 gó͘-lo͘h 出局，樂天3−1聽牌。

第五場（10月27）

2025年中華職棒總冠軍賽  G5  （2025/10/27[chù 2] 拜一，地場：洲際，開始時間：18:35，進行時間：紀華文）
樂天  9  :  7  中信															投手成績	打擊成績	相關資料
球隊	1	2	3	4	5	6	7	8	9	10	11	R	H	E	勝投：莊昕諺（1W） 敗投：鄭浩均（1L） 救援成功：朱承洋（4SV）	勝利打點：林泓育（11上） 全壘打：梁家榮、林泓育	MVP：林泓育 主審：紀華文 觀眾人數：18,307
樂天	1	2	0	0	0	0	1	3	0	0	2	9	15	3
中信	3	0	0	1	0	3	0	0	0	0	0	7	12	0

臺灣大賽第五戰，樂天桃猿派出第一戰先發投手魔神樂，迎戰中信兄弟第二戰先發投手李博登。

佮前四戰兮投手大戰無仝，本場比賽雙方打擊攏大爆發。李博登干焦投3局着落場，換第三戰先發投手韋禮加中繼4局干焦失1分；魔神樂5局失6分，但是因為隊友三擺嚴重兮失誤干焦1分是責失，樂天牛牢緊急救援共傷害減少。

八局上，中信兄弟本土牛牢無穩，樂天打線對梁家榮兮孤分 hŏng-bú-láng 開始反攻，保送佮兩支安打形成滿壘了後，陳晨威揀着保送送轉來1分，林子偉內野 gó͘-lo͘h 出局閣換轉來1分，雙方7：7平手。

第九局，中信兄弟派出李振昌、樂天派出莊昕諺，兩儂共比賽拍入去延長賽，是聯盟史上第17場總冠軍賽延長賽，嘛攏佇第十局共比賽守落來。

十一局上，中信兄弟派出鄭浩均，佇保送陳晨威、予林子偉拍出 gó͘-lo͘h 推進走者了後，予林泓育摃出倒外野方向兮兩分 hŏng-bú-láng。

十一局下，朱承洋上場關門，陳俊秀揀着保送，許基宏敲出一壘兮 gó͘-lo͘h，梁家榮先傳二壘完成封殺，但是傳轉去一壘兮時發生暴傳，許基宏因為有往二壘看兮進壘意圖，經過裁判看過電視輔助判決了後，判定許基宏佇一壘夆觸殺，形成雙殺。落尾梁家榮家己踏一壘完成上尾一个出局，樂天以9：7得着最後一勝，系列賽4−1得着桃猿賣予樂天了後兮頭一个總冠軍，嘛是隊史第8个。

紀錄

• 臺灣大賽史上頭一擺兩爿兮總教練攏是外籍總教練。
• 臺灣大賽史上第二擺因為落雨延賽。
• 中信兄弟隊史第9个亞軍。
• 中信兄弟隊史頭一擺以拍輸臺灣大賽兮方式衛冕失敗。
• 中信兄弟5場比賽攏總11分，拍破隊史臺灣大賽系列總得分上低兮紀錄（原紀錄是1993年兄弟象6場12分）。
• 樂天球團史頭一个總冠軍、隊史第8个。
• 中華職棒史上頭一擺出現｢無得着季冠軍佮年度第一」兮總冠軍球隊^{[chù 3]}。
• 朱承洋成做臺灣大賽史上第一位佇系列賽內底得着四擺救援成功兮投手。

註跤

1. 原底欲佇10月22進行，因為連紲幾若工天氣䆀徙去10月26。
2. 原底欲佇10月24進行，因為G4延期改做10月27。
3. 1998佮1999年中華職棒採用單一賽季制度，味全龍攏以年度第三完成連霸。