Lîm Chú-úi

Lîm Chú-úi (Bunun-gí: Tahai Isliduan, 1994 nî 2 goe̍h 15 chhut-sì ), sī Tâi-oân ê chit-gia̍p iá-kiû soán-chhiú, bat tī Bí-kok Chit-pāng Pho-sū-tùn Âng Boe̍h-á, Niú-iok Tōa-to͘-hōe Sió-liân-bêng, to̍k-li̍p liân-bêng Tn̂g-tó Ah^[1], Tiong-hôa Chit-pāng Tâi-kǹg Hiông-eng hāu-le̍k, chit-má tī Tiong-hôa Chit-pāng Lo̍k-thian Thô-oân, siú-pī ūi-tì sī lāi-iá-chhiú, gōa-iá-chhiú, ū khah-chē siú-pī ūi-tì, só͘-í tī Bí-kok ê sî mā bat í ke-si-lâng ê sin-hūn cheng-chhú chiūⁿ-tiûⁿ ê ki-hōe.

Lîm Chú-úi 林子偉
Lo̍k-thian Thô-oân – No. 15
Lāi-iá-chhiú, gōa-iá-chhiú
Chhut-sì: 1994 nî 2 goe̍h 15 ji̍t （1994-02-15）(31 hòe)  Tiong-hôa Bîn-kok Ko-hiông-koān Sam-bîn-hiong (taⁿ Ko-hiông-chhī Namasia-khu)
Táⁿ-kek: tó Tâu-kiû: chiàⁿ
Chit-gia̍p chho͘-chhù chhut-sài
Bí-kok Chit-pāng: 2017 nî 6 goe̍h 24, tī Pho-sū-tùn Âng Boe̍h-á
Tiong-hôa Chit-pāng: 2023 nî 8 goe̍h 19, tī Lo̍k-thian Thô-oân
Bí-kok Chit-pāng sò͘-kì thóng-kè (chì 2021 nî ûi-chí)
Táⁿ-kek-lu̍t	0.223
An-táⁿ	43
Choân-lûi-táⁿ	1
Táⁿ-tiám	12
Thau-luí	2
Tiong-hôa Chit-pāng sò͘-kì thóng-kè (chì 2024 nî ûi-chí)
Táⁿ-kek-lu̍t	0.197
An-táⁿ	47
Choân-lûi-táⁿ	5
Táⁿ-tiám	27
Thau-luí	8
Tūi-ngó͘
Pho-sū-tùn Âng Boe̍h-á (Sió-liân-bêng – Tāi-liân-bêng, 2012 nî – 2020 nî) Bêng-nî-so͘-ta̍t Siang-siâⁿ（Sió-liân-bêng – Tāi-liân-bêng, 2021 nî) Niú-iok Tōa-to͘-hōe Sió-liân-bêng (2022 nî) Tn̂g-tó Ah (2022 nî – 2023 nî) Ò-khek-lân Tuatara (2022 nî) Lo̍k-thian Thô-oân (2023 nî –)

Lîm Chú-úi

Tit-kàu ê chióng
Lâm-chú iá-kiû
Tāi-piáu Tiong-hôa Tâi-pak
U-18 Sè-kài-poe Iá-kiû-sài
	2010 Thunder Bay	Thoân-tūi
	2012 Siú-ní	Thoân-tūi
A-chiu Iá-kiû Kím-phiau-sài
	2019 nî A-kím-sài	Thoân-tūi
A-ūn
	2022 nî Hâng-chiu	Thoân-tūi

Lēng-gōa i mā sī Thóng-it 7-ELEVEn Sai kiû-oân Lîm Tāi-an ê chek-peh sió-tī, Hù-pang Hān-chiòng kiû-oân Siau Ek-bêng ê a-kū.

Seng-gâi

Lîm Chú-úi bat tit-tio̍h IBAF 2010 nî chòe-ka chheng-pāng kiû-oân^[2]. tī 2010 nî Sè-kài Chheng-pāng Kím-phiau-sài tit-tio̍h MVP, táⁿ-kek-ông, tit-hun-ông kah chòe-ka siú-pī-chióng. Tī 2012 nî kah Bí-kok Chit-pāng Pho-sū-tùn Âng Boe̍h-á chhiam-iok, pau-hâm 4-bān Bí-kim ê ha̍k-hùi lóng-chóng 209-bān Bí-kim^[3][4].

Pho-sū-tùn Âng Boe̍h-á

2017 nî 6 goe̍h 24, Âng Boe̍h-á in-ūi lāi-iá-chhiú Josh Rutledge [en] tio̍h-siong, tùi 2A hō͘ Lîm Chú-úi chiūⁿ Tāi-liân-bêng, chiâⁿ-chò Tâi-oân tē-13-ūi peh-khí--lih Tāi-liân-bêng ê kiû-oân, pēng-chhiáⁿ tī hit-kang tùi-chiàn Lo̍k-sam-ki Thiⁿ-sài ê pí-sài, 9-kio̍k siōng-pòaⁿ chiap-thè pó͘-chhiú Christian Vázquez [en] tam-jīm tāi-cháu^[5], sī tī Tāi-liân-bêng thâu-chi̍t-pái chhut-sài. 6 goe̍h 29, tam-jīm sian-hoat jī-lúi-chhiú, tē-jī-pái tī Tāi-liân-bêng sian-hoat, tan-tiûⁿ kòng chhut 2-ki an-táⁿ, pau-hâm seng-gâi thâu-chi̍t-ki tn̂g-táⁿ (saⁿ-lúi an-táⁿ)^[6]. 7 goe̍h 3 hō, tam-jīm sian-hoat iû-kek-chhiú, tan-tiûⁿ khà chhut saⁿ-ki an-táⁿ, cháu tńg-lâi nn̄g-hun, sī Tâi-oân thâu-chi̍t-ê tī Tāi-liân-bêng tan-tiûⁿ 3-an ê kiû-oân. 7 goe̍h 4 hō tam-jīm sian-hoat káu-hoan saⁿ-lúi-chhiú, bīn-tùi Tek-chiu Iû-khî-peng Ji̍t-che̍k sian-hoat tâu-chhiú Ta̍t-pí-siu Iú. Lîm Chú-úi tan-tiûⁿ saⁿ-ki an-táⁿ, phah chhut tī Tāi-liân-bêng seng-gâi ê thâu-nn̄g-hun táⁿ-tiám, mā cháu chhut Tāi-liân-bêng seng-gâi thâu-chi̍t-pái thau-lúi sêng-kong, Âng Boe̍h-á lo̍h-bóe í 11 : 4 phah-pāi Iû-khî-peng. 7 goe̍h 14, i tùi goân-té ê 73-hō kái-chò 5-hō, sī Âng Boe̍h-á tūi-sú tē-35-ūi chhēng 5-hō kiû-saⁿ ê kiû-oân, chêng-chi̍t-ūi sī iû-kek-chhiú Nomar Garciaparra.

2018 nî 9 goe̍h 21, Lîm Chú-úi bīn-tùi Ìn-tē-an-lâng kòng chhut seng-gâi thâu-it-hong, sī keh 11-nî liáu-āu koh-chi̍t-pái ū Tâi-oân kiû-oân tī Tāi-liân-bêng kòng chhut hőng-bú-láng, téng-pái sī 2007 nî tī Dodgers ê Ô͘ Kim-liông, Lîm Chú-úi mā sī tī Koeh Hông-chì kah Ô͘ Kim-liông liáu-āu, tē-3-ūi kòng chhut hőng-bú-láng ê Tâi-oân soán-chhiú.

2019 nî, Lîm Chú-úi tī khui-kùi ê sî seng tī 3A, āu--lâi in-ūi ū lâng tio̍h-siong ê koan-hē, Lîm Chú-úi tī 4 goe̍h bat tńg-khì kàu Tāi-liân-bêng. In-ūi kiû-tūi lāi-té kan-na ū nn̄g-ê pó͘-chhiú, i mā ū hō͘ chêng pó͘-chhiú Jason Varitek hùn-liān, chiâⁿ-chò kín-kip tē-saⁿ pó͘-chhiú^[7]. 2020 nî 8 goe̍h 14, tī Âng Boe̍h-á tùi-chiàn Kong-bông ê pí-sài lāi-té thâu-chi̍t-pái í pó͘-chhiú sin-hūn chiūⁿ-tiûⁿ.

2020 nî 10 goe̍h 26, hō͘ Âng Boe̍h-á khǹg tī 40-lâng miâ-toaⁿ gōa-kháu, pēng-chhiáⁿ tī 11 goe̍h 2 hō chiâⁿ-chò chū-iû kiû-oân^[8][9].

Chiap-sio̍k Kiû-tūi / Liân-bêng

2020 nî 12 goe̍h 3 hō, kah Bêng-nî-so͘-ta̍t Siang-siâⁿ chhiam--loeh Sió-liân-bêng ha̍p-iok. Pēng-chhiáⁿ tī 2021 nî 4 goe̍h 23 peh khí--lih Tāi-liân-bêng^[10]. 2022 nî lo̍h-khì Sió-liân-bêng liáu-āu, 2 goe̍h in-ūi tio̍h-siong kui-kùi pò-siau, kùi-āu chiâⁿ-chò chū-iû kiû-oân, ka-ji̍p Niú-iok Tōa-to͘-hōe Sió-liân-bêng liáu-āu tī 8 goe̍h 12 hō͘ Tōa-to͘-hōe sek-chhut, koh-chi̍t-pái chiâⁿ-chò chū-iû kiû-oân, pēng-chhiáⁿ tī āu-lâi ka-bêng to̍k-li̍p liân-bêng Tn̂g-tó Ah, 2022 nî 10 goe̍h 18 khì-kàu Ò-chiu Chit-pāng Ò-khek-lân Tuatara, 2023 nî 2 goe̍h 22 koh tńg--khì Tn̂g-tó Ah^[1].

Tâi-kǹg Hiông-eng

2023 nî 7 goe̍h 3 hō, Lîm Chú-úi chèng-sek soan-pò͘ chham-ka hit-nî ê soán-siù-hōe. 7 goe̍h 12 soán-siù-hōe téng-koân, Lîm Chú-úi tī thâu-chi̍t-lûn tit-tio̍h Tâi-kǹg Hiông-eng tē-it chí miâ, chiâⁿ-chò hit-nî ê soán-siù chiōng-goân.

Lo̍k-thian Thô-oân

2023 nî 8 goe̍h 10 hō, Lîm Chú-úi hō͘ Tâi-kǹg Hiông-eng kau-e̍k khì Lo̍k-thian Thô-oân, ōaⁿ-lâi Ông Ek-chèng, Nâ În-lûn, Ong Úi-kin 3-ê soán-chhiú kah lú-Ji̍t soán-chhiú Ông Pek-iông ê khè-iok-khoân^[11][12]. 8 goe̍h 16, Lîm Chú-úi chèng-sek ka-bêng Lo̍k-thian Thô-oân, chhiam--loeh 2-nî 4.5-kò͘-goe̍h ê ha̍p-iok, ha̍p-iok lóng-chóng ū 3100-bān, goe̍h-kip chhiau-kòe pah-bān. 8 goe̍h 19, Lîm Chú-úi tī Lo̍k-thian Thô-hn̂g Iá-kiû-tiûⁿ thâu-chi̍t-pái tī Tiong-chit chiūⁿ-tiûⁿ pí-sài, sian-hoat la̍k-hoan iû-kek-chhiú, ū nn̄g-ki an-táⁿ, lēng-gōa koh ū chi̍t-pái sit-ngō͘^[13][14].

Chit-pāng Seng-gâi Sêng-chek

Bí-kok Chit-pāng

Nî-tō͘	Kiû-tūi	Chhut-sài	Táⁿ-sò͘	An-táⁿ	Hőng-bú-láng	Táⁿ-tiám	Thau-luí	Sa̋n-sín	Sì-sí	Lúi-táⁿ-sò͘	Siang-sat	Táⁿ-kek-lu̍t	Chiōⁿ-lúi-lu̍t	Tn̂g-táⁿ-lu̍t	OPS
2017	Pho-sū-tùn Âng Boe̍h-á	25	56	15	0	2	1	17	9	19	0	0.268	0.369	0.339	0.709
2018		37	65	16	1	6	0	17	8	27	0	0.246	0.329	0.415	0.799
2019		13	20	4	0	1	1	6	2	6	0	0.200	0.273	0.300	0.573
2020		26	52	8	0	3	0	17	2	9	1	0.154	0.182	0.173	0.355
2021	Bêng-nî-so͘-ta̍t Siang-siâⁿ	1	0	0	0	0	0	0	0	0	0	0.000	0.000	0.000	0.000
Ha̍p-kè	5-tang	102	193	43	1	12	2	57	21	61	1	0.223	0.298	0.316	0.614

Tiong-hôa Chit-pāng

Nî-tō͘	Kiû-tūi	Chhut-sài	Táⁿ-sò͘	An-táⁿ	Hőng-bú-láng	Táⁿ-tiám	Thau-luí	Sa̋n-sín	Sì-sí	Lúi-táⁿ-sò͘	Siang-sat	Táⁿ-kek-lu̍t	Chiōⁿ-lúi-lu̍t	Tn̂g-táⁿ-lu̍t	OPS
2023	Lo̍k-thian Thô-oân	20	73	15	1	12	3	20	8	20	1	0.205	0.280	0.274	0.554
2024		59	166	32	4	15	5	37	18	53	3	0.193	0.269	0.319	0.588
Ha̍p-kè	2-tang	79	239	47	5	27	8	57	26	73	4	0.197	0.272	0.305	0.577

Sêng-pāng Kok-chhiú Keng-le̍k

• 2019 nî A-chiu Iá-kiû Kím-phiau-sài Tiong-hôa-tūi
• 2022 nî A-chiu Iá-kiû Kím-phiau-sài Tiong-hôa-tūi
• 2023 nî Sè-kài Iá-kiû Keng-tián-sài Tiong-hôa-tūi
• 2026 nî Sè-kài Iá-kiû Keng-tián-sài Chu-keh-sài Tiong-hôa-tūi