From Wikipedia, the free encyclopedia
北歐神話(粵拼:bak1 au1 san4 waa2;英文:Norse mythology)係古代諾斯人(Norse;今日瑞典人同挪威人等北歐日耳曼人嘅祖先)所相信嘅神話,就算喺北歐基督教化之後仲有流傳。
同其他神話一樣,北歐嘅神話主要都係講關於唔同神靈或者其他靈體嘅故事,包括佢哋嘅經歷同埋之間嘅互動。呢啲神話嘅文獻來源,有啲係嚟自異教時代,但係亦有啲係嚟自中世紀嘅文稿。
自從17世紀以嚟,北歐神話一直都喺歐洲嘅學界有討論。經過比較唔同地方嘅神話,同埋研究每笪地方自己嘅語言歷史,學家就可以揾到北歐神話,原嚟最早可以去到印歐宗教。到浪漫時期期間,社會又開始對有關維京人嘅題材好有興趣,當中包括埋北歐神話。所以到依家,流行文化入面,特別係奇幻作品,都可以揾到唔少提及到北歐神話有關嘅諗頭同影像。最出名嘅例子可以睇2011–2019年嘅美國電視劇《權力遊戲》(英文:Game of Thrones)[1],又或者睇2022年嘅魂系遊戲《艾爾登法環》(英文:Elden Ring)[2]。
根據北歐神話嘅宇宙觀,所有人或者靈體都係住喺“九個世界”入面,其中樖Yggdrasil樹係喺正個中心位。喺呢個宇宙入面,啲神靈就住喺Asgard,而人就住喺Midgard,都係喺宇宙嘅中心。除咗神靈同人以外,仲有其他嘢,例如精靈同矮人等等。
好多宇宙嘅元素都係由唔同神靈代表,例如太陽用Sól、月亮用Máni、地球用Jörð、日頭用Dagr、同夜晚用Nótt等等[3]。唔少傳説都有講關於唔同靈界之間嘅穿梭,而神靈亦會直接通人有相處。
個世界最先係由Ymir嘅肉體創造出嚟,而頭嗰兩個人就係Ask 同 Embla。到時到候,個世界就會經過諸神黃昏(Ragnarök),神靈之間會有一次大鬥爭,不過世界最終都會重新復原。之後,個世界會有新嘅人,Líf 同 Lífþrasir,嚟再成立人類世界。
對於來世嘅問題,北歐神話亦有好多故仔。有啲死咗之後會去Hel(由女神Hel看住)[4][5]、其他就會去Valhalla(由女武神負責管)[6][7]、部分甚至會畀女神芙蕾雅揀入去佢嘅野地Fólkvangr[8][9];如果係喺海度死,就會畀女神Rán認領[10][11]、如果係童女嘅話就會由女神Gefjon負責睇住[12]。
文獻亦有提到對輪迴轉世嘅概念[13],而宇宙觀有好多對生、死、再復原嘅概念(包括有關諸神黃昏嘅情節)[14],所以有學家認為神話嘅時間係輪迴嘅[15]。
Yggdrasil(粵拼:ik1 draa4 siu4)係北歐神話入面一樖神聖嘅巨型
根據中世紀嗰陣嘅北歐人嘅信仰,Yggdrasil 唔單只巨型咁簡單,仲具有各種嘅神力,例如[16][17]:p. 68-69:
Niflheim(粵音:nif1 fou4 him4)係“九個世界”之中嘅其中一個,屬於“冰凍之地”。呢個世界嘅Élivágar河同Hvergelmir嘅井水,就係全宇宙所有河流嘅來源[21]。
根據傳記《Gylfaginning》,Niflheim 係由Ginnungagap界演變出嚟嘅兩個世界,另外嗰個就係Muspelheim(“焰火之地”)。當呢兩個世界撈埋一齊之後,就創造咗萬物,包括人類。之後,呢個焰火之地成為咗陰間Hel,就係人生期間冇特別英勇嘅人到來世嗰陣時會住嘅地方。
喺一開始嘅時候,神靈總共有兩大班:就係亞薩族(Æsir)同埋華納族(Vanir)。呢兩班神到之後曾經打過華納–亞薩之戰。到亞薩族贏咗之後,華納族嘅神歸化入埋亞薩族,組成咗一個聯合族群[22]。
除咗呢兩班神之外,仲有其他比較少提嘅神靈,例如:負責生蘋果嘅女神Iðunn同埋佢老公Bragi、有九個亞媽嘅男神Heimdallr、因為對抗一隻叫芬里厄嘅狼而冇咗隻手嘅神Týr、同埋創立今時今日嘅丹麥同荷蘭嘅神Gefjon等等[28]。
除咗神靈之外,神話亦有提到關於其他嘅生物。喺唔同嘅記載都有精靈同矮人,啲記載形容精靈做好靚同埋發光,而矮人就專係整理土地,不過佢哋兩個同啲神靈之間嘅關係就冇乜點提[29][30]。仲有提嘅就包括山怪、約頓巨人、Norns、同埋dísir,佢哋可以係幫或者對抗啲神靈[31],而一般都係同命運有啲
喺21世紀,雖然神話嘅好多講法已經過哂時同埋畀科學推翻,不過仍然喺文化上有好大嘅影響。無論係《魔幻王國》定係《魔戒》,北歐神話到今時今日都非常之受歡迎。牛津大學嘅歐洲文學學家 Carolyne Larrington 就提出咗啲講法嚟解釋。
根據佢嘅講法,眾神之父奧丁係一位呢位有智慧同埋權力嘅帶頭人,而佢就算喺政權開始衰退嘅時候,都繼續揾盡辦法去保住自己嘅地位。佢就代表住舊時歐洲嘅父權社會,喺21世紀嘅眼光已經係out哂,而佢喺驚奇電影宇宙入面係故事冇開始亦已經過咗身。相反,有份幫佢打仗嘅嗰班女武神,就係象徵住男女平等,證明無論男女,都係能夠控制自己嘅人生。
對於男神托爾,佢喺神話裏面就比較畀人睇唔起,甚至因為佢曾經著過異裝而畀其他人同埋神笑。而佢好多時因為咁,就會好燥咁攞起佢嘅雷神之鎚。不過隨住人(或者神)大咗,佢開始學得點樣收手,比較識得同埋肯同其他人妥協,代表住一般生物必經嘅成長過程。
男神洛基喺神話裏面係一位唔肯盲跟其他人(或者神)嘅角色,不過同時亦都會喺某啲有需要嘅時候幫返啲神靈。Larrington 認為呢個角色可以演繹做一位思想家,一定係先靠知識嚟明白呢個世界同埋做唔同嘅決定。
最後,北歐神話入面嘅諸神黃昏,好多時令觀眾諗起依家發生緊嘅全球暖化,畀佢哋自己都思考返人類喺地球所應做嘅責任,同時我哋冇信用同馬虎嘅最終後果[34]。
{{cite book}}
: CS1 maint: ref duplicates default (link){{cite book}}
: CS1 maint: ref duplicates default (link){{cite book}}
: CS1 maint: ref duplicates default (link)Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.