唂咕樹

唂咕樹（注意唂字讀谷^[1]，咕字讀古^[2]，粵拼：guk1 gu2 syu6；學名：Theobroma cacao），中國大陸普通話區同臺灣國語區叫可可樹，係梧桐科唂咕屬嘅常綠喬木，原產南美亞馬遜河一帶，而家喺非洲、東南亞同拉丁美洲、中國華南地區、印度同孟加拉地區廣泛種植。

How to read a taxobox 唂咕
唂咕嘅葉同埋果
物種分類
域(Domain): 真核域 Eukarya 界 植物界 Plantae 門 被子植物門 Magnoliophyta 綱 雙子葉植物綱 Magnoliopsida 目 錦葵目 Malvales 科 梧桐科 Sterculiaceae 屬 唂咕屬 Theobroma 種 唂咕 T. cacao
二元學名
Theobroma cacao L.

樣

植株高4～12m，最高可以去到15米。樹幹比較實淨，樹冠比較密集；樹皮厚兼暗啡色，樹枝啡色帶短嘅軟毛。葉單生，革質，比較闊，似長橢圓形，長7～30cm，闊3～10cm；葉柄短兼有葉枕。花白兼單生，直接生喺枝幹上，花萼粉紅，直徑約1厘米；子房似倒立嘅蛋形，稍微有5條棱。果屬蓇葖果，樣介乎橢圓到長橢圓，長35cm，直徑12cm；果皮厚而粗糙，出面生時綠，熟時轉深黃到紅之間嘅色，乾燥後變啡；入面有20～40粒籽；每年10～12月結果。籽似窄橢圓形，有些少壓扁咗噉，長大概25絲米。

適應環境

植株鍾意喺暖而濕嘅氣候同有好多機質嘅緩坡生，唔禁kam1大風，要喺pH值=6～7嘅泥地生。

用途

佢係世界主要飲料作物之一。啲人可以通過剔開果肉攞出唂咕豆，經過發酵同煮過之後整成唂咕粉同朱古力。餅粕可以加工成飼料。

發現史

早喺哥倫布發現美洲大陸之前，瑪雅人同阿斯達人成日攞嚟整佢做果汁。由於佢啲籽喺嗰時屬奢侈品，所以當地人攞佢做錢。16世紀前半通過中美地峽傳到墨西哥，之後傳到印加而變成飲料用途。16世紀中葉，西班牙王國入侵美洲時識咗呢樣植物，隨後喺16世紀尾喺西班牙開咗全球第一間朱古力廠。植物學名直到18世紀由林奈幫佢改出嚟。

相

植株 植株  梗 梗  綠葉 綠葉  紅葉 紅葉  花 花  果（未熟之前） 果（未熟之前）  果（準備熟） 果（準備熟）  果（熟咗之後） 果（熟咗之後）  籽 籽