香港特別行政區政府

香港特別行政區政府（hoeng1 gong2 dak6 bit6 hang4 zing3 keoi1 zing3 fu2），係管治香港全域嘅政府。

香港特別行政區政府 Government of the Hong Kong Special Administrative Region
香港特別行政區政府機構
香港特別行政區政府標誌
行政長官	李家超
政務司司長	陳國基
財政司司長	陳茂波
律政司司長	林定國
政務司副司長	卓永興
財政司副司長	黃偉綸
律政司副司長	張國鈞
部門資訊
1843年4月5號（港英政府） 1997年7月1號（特區政府）
所屬部門	中華人民共和國國務院
總部	香港香港島金鐘添馬添美道2號政府總部
聯絡資訊
網站	www.gov.hk
備註
香港特別行政區政治 呢篇文係香港政治系列之一 憲制文件 《英皇制誥》 《皇室訓令》 《中英聯合聲明》 《中華人民共和國憲法》 《香港特別行政區基本法》 行政長官：李家超 行政長官辦公室 行政會議（成員） 維護國家安全委員會 政府（組織架構） 政府總部（所在地） 政治任命官員 公務員 首長級公務員 政務職系 議會：立法會 現屆立法會（議員） 選舉方式： 地區直選 功能界別 區議會（第二） 選舉委員會議席 司法機構 香港法律制度 香港法例 獨立法定機構 廉政公署 審計署 申訴專員公署 公務員敍用委員會 地方行政 香港政區 區議會 民政事務處（專員） 地區管理委員會 市政局 / 區域市政局 相關機構 公營機構 新界鄉議局 選舉 選舉管理委員會 選舉事務處 行政長官選舉（上屆／下屆） 選舉委員會 立法會選舉（上屆／下屆） 區議會選舉（上屆／下屆） 政黨 非親中派 泛民主派（組織同埋人士） 溫和民主派 激進民主派 本土派 自決派 抗爭派 修憲派 非民主派 傳統親中派（組織同埋人士） 激進親中派 商界親中派 中間派 香港民主運動 香港政制改革（1997年之前） 香港政制改革（1997年之後） 港區全國人大代表 港區全國政協委員 中共香港事務機構 中央港澳工作領導小組 粵港澳大灣區建設領導小組 國務院港澳事務辦公室 中共駐香港機構 中共中央香港工委（中聯辦） 中央駐港國安公署 外交部駐港特派員公署 解放軍駐港部隊 香港對外事務機構 政制及內地事務局 港府駐京辦 香港經貿辦（內地） 香港經貿文辦（台灣） 商務及經濟發展局 香港經貿辦（海外） 香港貿易發展局 禮賓處 香港軍事 駐港英軍 駐港解放軍 香港榮譽制度 授勳及嘉獎制度 排名表 太平紳士 其他香港系列 文化 - 經濟 歷史 - 地理 - 教育 香港主題 類:國政 • Portal:政治 睇吓 • 討論 • 編輯 • 歷

1841年開始，原本只係包括英國統治下嘅香港島，1860年加入九龍半島，1898年加埋新界。1997年7月1號，中華人民共和國接管對香港嘅主權，政府變做香港特別行政區政府。因為香港管治架構響香港基本法同中英兩國移交協議之下，原有制度同人事保持不變，所以呢個特別行政區政府就睇成係香港政府嘅延續。因為中華人民共和國香港特別行政區政府zung1 waa4 jan4 man4 gung6 wo4 gwok3 hoeng1 gong2 dak6 bit6 hang4 zing3 keoi1 zing3 fu2呢個官方名實在太長，所以有時就簡化做香港特區政府，或者淨係叫特區政府。而民間都仍然叫香港特區政府做香港政府。

隨住香港特區政府喺近年越嚟越配合中國共產黨同中華人民共和國政府，亦開始有越嚟越多人叫香港特區政府做港共政權或者港共政府。

雖然政府呢個稱呼通常包括有行政、立法同埋司法部分，不過根據香港人習慣，香港特別行政區政府只係計行政呢部份。立法同司法係獨立響行政之外。

英國殖民地時期香港政府阿頭係香港總督，簡稱港督。而香港主權移交之後，阿頭就變成香港特別行政區行政長官，或者叫香港特別行政區行政首長，簡稱特首。

史

香港未畀英國統治之前，呢個地方係無自己嘅政府，管治都係東莞縣、寶安縣或新安縣之下。大清割讓香港各地之時，原本係新安縣地。

初期

一八四一年一月廿五或廿六號，大清境內嘅英國人，憑穿鼻草約登陸香港島，升旗宣佈成立香港殖民地，香港開埠。無耐亦發文宣告管治方法。

二戰後

香港重光後，政府各機關：

機關名	Name or Organisation
航空總監	Directorate of Air Service
啟德民航機場	Civil Airport, Kai Tak
輔政司署	Colonial Secretary
敎育司署	Education Department
郵政總局	General Post Office
船政署	Harbour Department
出入口署	Import and Export Department
衞生署（或醫務總署）	Medical Department
天文台	Royal Observatory
警察總署	Hongkong Police Head Quarter
移民局	Immigration Office
工務局	Public Work Department
水務局	Water Work
華民政務局	Secretariat For Chinese Affairs
庫房	Treasury
園林署	Agriculture and Gardens
核數師署	Audit Department
廣播電臺	Broadcasting Studio
高等法院	Courts of Justice
律政司	Attorney General Office
租務法院（九龍都有）	Tenancy Tribunal
田土廳	Land Office
婚姻註册署	Marriage Registry
物產管理處	Custodian of Property
消防局（總部分中央同九龍）	Fire Brigade Department
漁務署	Fisheries
薪金調查委員會	Salaries Commission
物資統制局	Supply Trade and Industry
交通部	Traffic Department
義勇軍總部	Hong Kong Volunteer Defence Corps
稅務局	Inland Revenue Department

政權移交前後

自1997年7月1號開始，新政府受人指責，傾向以「製造共識」嘅方法去處理突發事故或難解決嘅問題，從而解決問題或從罪責中卸膊。因此，特區政府畀泛民主派起咗花名叫「特衰政府」^[1]。

政權移交前機構名	政權移交後機構名
行政局	行政會議
總督府	行政長官辦公室
律政署	律政司
布政司署政務科	民政事務局
布政司署憲制事務科	政制事務局
布政司署嘅決策科（如：運輸科、保安科）	決策局（如：運輸局、保安局）
總督特派廉政專員公署	廉政公署
皇家香港警務處	香港警務處
皇家香港天文台	香港天文台
人民入境事務處	入境事務處
政務總署	民政事務總署
政務處	民政事務處
核數署	審計署

政權移交前職位名	政權移交後職位名
香港總督	行政長官
布政司	政務司司長
財政司	財政司司長
律政司	律政司司長
決策科首長嘅司憲（運輸司、保安司）	局長（運輸局局長、保安局局長）
決策科副首長嘅副司憲（副運輸司、副保安司）	副局長（運輸局副局長、保安局副局長）
總督特派廉政專員	廉政專員
海關總監	海關關長
政務專員	民政事務專員