2015-Rugbykampioenskapreeks

Die 2015-Rugbykampioenskapsreeks was die vierde jaarlikse rugbytoernooi tussen die nasionale spanne van Suid-Afrika, Argentinië, Australië en Nieu-Seeland. Die reeks is vanaf 17 Julie tot 8 Augustus 2015 gespeel; vroeër en korter as in 2014, omrede die Rugbywêreldbeker nog ingepas moes word. Die lande se spanne word onderskeidelik die Springbokke, Pumas, Wallabies en All Blacks genoem. Australië het die toernooi vir die vierde keer gewen. Nieu-Seeland het die Bledisloebeker ingepalm en die Vryheidsbeker gewen, terwyl Australië met die Mandela Uitdaagplaat en die Poematrofee weggestap het.

2015-Rugbykampioenskap

Kenteken van die Rugbykampioenskap
Datums	17 Julie - 8 Augustus
Kampioen	Australië (4 titels)
Wedstryde gespeel	6
Drieë gedruk	33 (5.5 per wedstryd)
Bywoning	243 416 (40 569 per wedstryd)
Meeste punte	Handré Pollard (30)
Meeste drieë	Adam Ashley-Cooper Juan Imhoff (3 elk)
← 2014 2016 →
Hierdie kas: sien • bespreking

Die toernooi is deur SANZAAR georganiseer, ’n konsortium wat sedert 2012 uit die vier lande se rugbyfederasies bestaan.^[1]

Formaat

Die formaat vir die 2015-toernooi het na dié van die vorige jare teruggekeer omdat die Rugbywêreldbeker nog ingepas moes word. Elke span het ’n totaal van drie wedstryde gespeel, en ses in totaal. Met ’n wen het ’n span vier punte verdien, gelykop twee ligapunte, en ’n verloor met agt of meer punte nul ligapunte. ’n Bonuspunt kon verdien word op een van twee maniere: deur ten minste vier drieë in ’n wedstryd te druk, of deur met sewe punte of minder te verloor. Die toernooi se wenner was die span met die meeste ligapunte aan die einde van die toernooi.

Telkaart

	Nasie	Wedstryde				Punte			Bonuspunte	Ligapunte
		Speel	Wen	Gelyk	Verloor	Vir	Teen	Verskil
1	Australië	3	3	0	0	85	48	+37	1	13
2	Nieu-Seeland	3	2	0	1	85	65	+20	1	9
3	Argentinië	3	1	0	2	64	98	−34	1	5
4	Suid-Afrika	3	0	0	3	65	88	−23	2	2

Wedstryddatums

	Datum
Week 1	17–18 Julie
Week 2	25 Julie
Week 3	8 Augustus

Week 1

17 Julie 2015	Nieu-Seeland	39–18	Argentinië	Rugby League Park, Christchurch, Nieu-Seeland
19:35 (NZST)	Drieë: Richie McCaw, Ma’a Nonu, Charles Piutau, Kieran Read, Codie Taylor Doelskoppe: Dan Carter (4) Strafdoele: Dan Carter (2)	Verslag	Drieë: Agustín Creevy (2) Doelskop: Nicolás Sánchez Strafdoele: Nicolás Sánchez (2)	Bywoning: 17 512 Skeidsregter: Craig Joubert (RSA)
Waisake Naholo en Codie Taylor (albei NZL) het hul toetsdebuut gemaak.

18 Julie 2015	Australië	24–20	Suid-Afrika	Langpark, Brisbane, Australië
20:05 (AEST)	Drieë: Adam Ashley-Cooper, Michael Hooper, Tevita Kuridrani Doelskoppe: Quade Cooper (2), Matt Giteau (1) Strafdoel: Quade Cooper	Verslag	Drieë: Eben Etzebeth, Jesse Kriel Doelskoppe: Handré Pollard (2) Strafdoele: Handré Pollard (2)	Bywoning: 37 633 Skeidsregter: Nigel Owens (WAL) Speler van die wedstryd: Michael Hooper (AUS)
Jesse Kriel (RSA) het sy toetsdebuut gemaak. Australië wen vir die eerste keer sy openingswedstryd gedurende die Rugbykampioenskapreeks. Australië herower die Mandela Uitdaagplaat vir die eerste keer sedert 2012.

Week 2

25 Julie 2015	Suid-Afrika	20–27	Nieu-Seeland	Ellispark, Johannesburg, Suid-Afrika
17:05 (SAST)	Drieë: Willie le Roux, Jesse Kriel Doelskoppe: Handré Pollard (2) Strafdoele: Handré Pollard (2)	Verslag	Drieë: Ben Smith, Dane Coles, Richie McCaw Doelskoppe: Lima Sopoaga (3) Strafdoele: Lima Sopoaga (2) Kaart: Sam Whitelock 59' tot 69'	Bywoning: 61 500 Skeidsregter: Jérôme Garcès (FRA) Speler van die wedstryd: Charles Piutau (NZL)
Vincent Koch en Lionel Mapoe (albei RSA), asook James Broadhurst en Lima Sopoaga (albei NZL) het hul toetsdebuut gemaak. Vir die eerste keer sedert 2011 ly Suid-Afrika drie agtereenvolgende nederlae. Nieu-Seeland behou die Vryheidsbeker.

25 Julie 2015	Argentinië	9–34	Australië	Estadio Malvinas Argentinas, Mendoza, Argentinië
19:40 (ART)	Strafdoele: Nicolás Sánchez (3)	Verslag	Drieë: Joe Tomane, Dean Mumm, Tevita Kuridrani, Adam Ashley-Cooper Doelskop: Bernard Foley Strafdoele: Bernard Foley (4) Kaart: Quade Cooper 65' tot 75'	Bywoning: 25 000 Skeidsregter: Jaco Peyper (RSA) Speler van die wedstryd: David Pocock (AUS)
Juan Pablo Socino (ARG) het sy toetsdebuut gemaak. Kurtley Beale speel in sy 50ste toetswedstryd vir Australië. Met die oorwinning haal Australië vir die eerste keer die eerste plek in die Rugbykampioenskapreekstabel. Australië behou die Poematrofee.

Week 3

8 Augustus 2015	Australië	27–19	Nieu-Seeland	ANZ-stadion, Sydney, Australië
20:05 (AEST)	Drieë: Sekope Kepu, Adam Ashley-Cooper, Nic White Doelskoppe: Matt Giteau (2), Nic White Strafdoele: Matt Giteau, Nic White Kaarte: Sekope Kepu 7' tot 17', Nick Phipps 53' tot 63'	Verslag	Drieë: Nehe Milner-Skudder (2) Strafdoele: Dan Carter (3) Kaart: Aaron Smith 42' tot 52'	Bywoning: 73 824 Skeidsregter: Wayne Barnes (ENG) Speler van die wedstryd: Michael Hooper (AUS)
Nehe Milner-Skudder (NZL) het sy toetsdebuut gemaak. Richie McCaw egaliseer Brian O’Driscoll se rekord van 141 toetswedstryde en word sodoende die rugbyspeler met die meeste toetswedstryde. Australië klop Nieu-Seeland vir die eerste keer sedert hul25–20-oorwinning in 2011, en teken hul eerste oorwinning op ANZ-stadion sedert 2011 aan. Nieu-Seeland verloor sy eerste Rugbykampioenskapreekswedstryd sonder om ’n verloorbonuspunt te behaal; die laaste keer was gedurende die 2011-Drienasiesreeks.

8 Augustus 2015	Suid-Afrika	25–37	Argentinië	Kings Park, Durban, Suid-Afrika
17:05 (SAST)	Drieë: Lood de Jager, Willie le Roux, Bryan Habana Doelskoppe: Handré Pollard (2) Strafdoele: Handré Pollard (2)	Verslag	Drieë: Marcelo Bosch, Juan Imhoff (3) Doelskoppe: Juan Martín Hernández (4) Strafdoele: Juan Martín Hernández, Marcelo Bosch Skepdoel: Marcelo Bosch Kaart: Pablo Matera 75' tot 80'	Bywoning: 27 447 Skeidsregter: Romain Poite (FRA) Speler van die wedstryd: Juan Imhoff (ARG)
Dit is Argentinië se eerste oorwinning teen Suid-Afrika nog. Argentinië teken sy eerste bonuspuntoorwinning, en hul eerste wegoorwinning, sedert hul toetrede tot die 2012-Rugbykampioenskapreeks aan. Met die nederlaag ly Suid-Afrika vir die eerste keer sedert 2010–11 agtereenvolgende tuisnederlae; en verloor vir die eerste keer sedert 2010 vier agtereenvolgende toetswedstryde. Juan Imhoff teken Argentinië se eerste driekuns in die Rugbykampioenskapreeks aan; en die eerste driekuns sedert Israel Folau in 2013 drie drieë vir Australië teen Argentinië gedruk het.

Rugbykampioenskapreekskampioen 2015
Australië

Statistiek

Meeste punte en drieë

Meeste punte aangeteken: Naam Punte 1 Handré Pollard 30 2 Dan Carter 23 3 Nicolás Sánchez 17 4 Adam Ashley-Cooper 15 Juan Imhoff

Meeste drieë gedruk: Naam Drieë 1 Adam Ashley-Cooper 3 Juan Imhoff 3 Agustín Creevy 2 Willie le Roux Jesse Kriel Tevita Kuridrani Richie McCaw Nehe Milner-Skudder

Sien ook

Rugbyportaal