ENB-stadion

Die ENB-stadion (ook genoem FNB-stadion, Sokkerstad of Soccer City) is 'n stadion in Soweto, Johannesburg, Suid-Afrika. Die stadion is reg langs die hoofkantoor van die Suid-Afrikaanse Sokkervereniging (SAFA-huis) waar die kantore van FIFA en die Plaaslike Reëlingskomitee vir die 2010 Sokkerwêreldbeker gesetel was.^[1] Met 'n kapasiteit van 94 700 is dit die grootste stadion in Afrika.

Eerste wedstryd van die FIFA Sokker-Wêreldbekertoernooi in 2010 word tussen Suid-Afrika en Meksiko gespeel

Sokkerwedstryd tussen Argentinië en Suid-Korea tydens die FIFA Sokker-Wêreldbekertoernooi in 2010

Die stadion tydens die 2010-sluitingseremonie

ENB- of FNB-stadion
Binneaansig tydens die FIFA Sokker-Wêreldbekertoernooi in 2010
Bynaam	Sokkerstad / Soccer City Die kalbas
Ligging	Johannesburg, Suid-Afrika
Koördinate	26°14′5.27″S 27°58′56.47″O
Eienaar	Stad Johannesburg
Operateur	Suid-Afrikaanse Sokkervereniging (SAFA)
Kapasiteit	94 700[1][2]
Oppervlak	Gras
Konstruksie
Eerste sooi gespit	1986[3]
Geopen	1989[4]
Renovasie	2009
Uitgebrei	2009
Boukoste	R3,3 miljard
Argitek	Boogertman & Vennote, Populous
Huurders
Kaizer Chiefs Bafana-Bafana Springbokke

Die stadion het sedert sy konstruksie in 1987 as die FNB-stadion bekend gestaan, maar is tydelik na Sokkerstad herdoop om aan FIFA se neutrale borgskap-vereistes te voldoen.^[5]

In 1990 het Nelson Mandela sy eerste vrye toespraak in die stadion gelewer, nadat hy uit die gevangenis vrygelaat is. Op 10 Desember 2013 is sy internasionale roudiens hier gehou.^[6][7] Dit was ook die tuiste van Chris Hani se begrafnis.^[6]

Dit was ook die plek vir die eindstryd van die FIFA Sokker-Wêreldbekertoernooi in 2010, wat tussen Nederland en Spanje beslis is. Tydens die wêreldbeker se sluitingseremonie op die dag van die eindstryd het Nelson Mandela sy laaste openbare verskyning hier gemaak.^[8]

Wedstryde

Afrikanasiesbeker 1996

Die hoofartikel vir hierdie afdeling is: Afrikanasiesbeker 1996.

Datum	Span 1	Telling	Span 2	Rondte	Toeskouers
13 Januarie 1996	Suid-Afrika	3–0	Kameroen	Groep A (opening)	80 000
15 Januarie 1996	Egipte	2–1	Angola	Groep A	6 000
18 Januarie 1996	Kameroen	2–1	Egipte	Groep A	4 000
20 Januarie 1996	Suid-Afrika	1–0	Angola	Groep A	30 000
24 Januarie 1996	Suid-Afrika	0–1	Egipte	Groep A	20 000
25 Januarie 1996	Zaïre	2–0	Liberië	Groep C	3 000
27 Januarie 1996	Suid-Afrika	2–1	Algerië	Kwarteindronde	80 000
31 Januarie 1996	Suid-Afrika	3–0	Ghana	Halfeindronde	80 000
3 Februarie 1996	Ghana	0–1	Zambië	Klein finale	80 000
3 Februarie 1996	Suid-Afrika	2–0	Tunisië	Eindstryd	80 000

FIFA Sokker-Wêreldbekertoernooi in 2010

Die hoofartikel vir hierdie afdeling is: FIFA Sokker-Wêreldbekertoernooi in 2010.

Die stadion is tydens die FIFA Sokker-Wêreldbekertoernooi in 2010 ingespan as een van die 10 stadia waar wedstryde gespeel is. Benewens die openingswedstryd en eindstryd, is by die stadion gespeel:

Datum	Tyd	Span 1	Telling	Span 2	Rondte	Toeskouers
11 Junie 2010	16:00	Suid-Afrika	1–1	Meksiko	Groep A (opening)	84 490
14 Junie 2010	13:30	Nederland	2–0	Denemarke	Groep E	83 465
17 Junie 2010	13:30	Argentinië	4–1	Suid-Korea	Groep B	82 174
20 Junie 2010	20:30	Brasilië	3–1	Ivoorkus	Groep G	84 455
23 Junie 2010	20:30	Ghana	0–1	Duitsland	Groep D	83 391
27 Junie 2010	20:30	Argentinië	3–1	Meksiko	Agste eindronde	84 377
2 Julie 2010	20:30	Uruguay	1–1 (4–2 n.S.)	Ghana	Kwarteindronde	84 017
11 Julie 2010	20.30	Nederland	0–1 (e.t.)	Spanje	Eindstryd	84 490

Afrikanasiesbeker 2013

Die hoofartikel vir hierdie afdeling is: Afrikanasiesbeker 2013.

Datum	Span 1	Telling	Span 2	Rondte	Toeskouers
19 Januarie 2013	Suid-Afrika	0–0	Kaap Verde	Groep A (opening)	50 000
19 Januarie 2013	Angola	0–0	Marokko	Groep A	25 000
10 Februarie 2013	Nigerië	1–0	Burkina Faso	Eindstryd	85 000

Rugby

Die stadion is ook sedert 2010 vir die eerste keer vir rugbywedstryde gebruik. Die Springbokke het op 21 Augustus 2010 tydens die 2010-Drienasiesreeks hier teen die All Blacks gespeel.

Konstruksie

Die ENB-stadion het 'n massiewe opgradering vir die 2010 Wêreldbeker ondergaan. Die stadion se nuwe ontwerp is deur die vorm van 'n Afrikapot geïnspireer.^[9]

Sien ook

• Lys van stadions in Suid-Afrika
• Eerste Nasionale Bank, die stadion se eienaars.