Fula (volk)

Die Fula, Fulani of Fulbe (Fula: Fulɓe; Frans: Peul; Hausa: Fulani of Hilani; Portugees: Fula; Wolof: Pël; Bambara: Fulaw) is 'n etniese groep inheems aan Wes-Afrikaanse lande soos Nigerië, Guinee, Mali en Niger. Die etniese groep omvat sowat 20–25 miljoen mense^[7] en hulle praat Fula as moedertaal en Engels, Arabies of Frans as tweede taal. Dit is een van die grootste en mees verspreide etniese groepe in beide die Sahel en Wes-Afrika.^[8]

Fula-jihad-lande in Wes-Afrika, omstreeks 1830^[9][10]

Verspreidingskaart van Fula. Donkergroen: grootste etniese groep; middel: aansienlike bevolking; lig: kleiner aandeel

Fula
Fula-vroue met tradisionele gesigtekeninge.
Totale bevolking:	ca. 20–25 miljoen[1][2]
Belangrike bevolkings  in:	Nigerië 7 miljoen[3]  Guinee 4,7 miljoen[4]  Mali 2,8 miljoen[5]  Niger 1,5 miljoen[6]  Kameroen 700 000[3]  Tsjad 128 000[3]  Soedan 90 000[3]
Taal:	Fula • Engels • Arabies • Frans
Geloofsoortuiging:	Islam
Verwante etniese groepe:	Hausa, Kanuri, Toucouleur

Die Fula is 'n hoofsaaklik Islamitiese volk van oorspronklik nomadiese veeherders wat in onlangse tye gevestig het. Die Fula is verwant aan die Hausa en vorm naas die Joroeba, Igbo en Hausa die vierde grootste etniese groep in Nigerië. Die Fula het in die 19de eeu belangrike ryke in die Soedan-gebied langs die Niger- en die Sénégalriviere gestig.

Die Fula vorm die grootste etniese groep in Guinee, Senegal, Mali, Burkina Faso en Niger. In lande soos Mauritanië, Ghana, Gambië, Sierra Leone, Benin, Guinee-Bissau, Kameroen, Ivoorkus, Nigerië, Togo, Suid-Soedan, die Sentraal-Afrikaanse Republiek en Liberië vorm die Fula 'n aansienlike deel van die bevolking. Ander lande met met 'n belangrike Fula-bevolking sluit in Ethiopië, Soedan en Tsjad.