Lotaringe

Lotaringe of Lotharinge (Frans en Engels: Lorraine, Duits: Lothringen, Nederlands: Lotharingen) was een van die voormalige 27 Franse administratiewe geweste (Frans: régions) wat ingevolge die instelling van die geweste in 1956 opgerig is. Die gewes het sowat 2 350 000 inwoners (2008) en 'n oppervlakte van sowat 23 500 km² gehad. Die hoofstad was Metz.

Hierdie artikel handel oor die voormalige Franse geweste Lorraine. Vir ander artikels oor Lorraine, sien Lorraine (dubbelsinnig).

Lotaringe
Départements	Meurthe-et-Moselle (54), Meuse (55), Moselle (57), Vosges (88)
Prefektuur	Metz
Bevolking	2 346 361 inw. (2008)
Bevolkingsdigtheid	100 inw./vk km
Oppervlakte	23 547 vk km
Arrondissemente	19
Kantons	157
Munisipaliteite	2 337
President van Gewestelike Raad	Jean-Pierre Masseret (SP)

Steenbrug oor die Mouzonrivier by Pompierre in die département Vosges

Die munisipaliteit Landrecourt-Lempire in die département Meuse

Geografie

Die voormalige Noordoos-Franse région Lotaringe grens aan België, die Groothertogdom Luxemburg en die Duitse deelstate Rynland-Palts en Saarland.

Lotaringe het bestaan uit vier départemente:

• Meurthe-et-Moselle (hoofstad Nancy)
• Meuse (hoofstad Bar-le-Duc)
• Moselle (hoofstad Metz)
• Vosges (hoofstad Épinal)

Die Maas-, Moesel-, Saar- en Meurthe-riviere vloei deur die gewes. In die ooste lê die westelike deel van die Vogese-gebergte (départemente Moselle en Vosges). Die Hohneck op die grens met die gewes Elsas is met 1 364 meter die hoogste berg van Lotaringe.

Tale

In die gewes is naas Frans ook Lorreins gepraat, met uitsondering van die noordelike deel aan die grens met Luxemburg waar Luxemburgs en aan die grens met Duitsland waar Lotharings Frankies en Ryn Frankies as omgangstaal gebruik is.

Geskiedenis

Vroeër het die volgende Lotaringiese gebiede bestaan:

• Koninkryk Lotaringe (843-928)
  • Hertogdom Lotaringe (928-977)
    • Hertogdom Neder-Lotaringe (977-1190)
    • Hertogdom Opper-Lotaringe (977-1766)

Sien ook

• Elsas-Lotaringe

Bronne

• Franstalige en Nederlandstalige Wikipedias

Eksterne skakels

Wikimedia Commons bevat media in verband met Lotaringe.

• (fr) Die amptelike webwerf van die Gewestelike Raad van Lotaringe Geargiveer 27 April 2011 op Wayback Machine

Die administratiewe geweste van Frankryk (Régions de France)
Metropolitaanse geweste (Régions métropolitaines):
Akwitanië | Auvergne | Boergondië | Bretagne | Centre-Val de Loire | Champagne-Ardenne | Elsas | Franche-Comté | Île-de-France | Korsika | Languedoc-Roussillon | Limousin | Lotaringe | Midi-Pyrénées | Nord-Pas-de-Calais | Basse-Normandie | Haute-Normandie | Pays de la Loire | Pikardië | Poitou-Charentes | Provence-Alpes-Côte d'Azur | Rhône-Alpes
Metropolitaanse geweste 2016 (Régions métropolitaines):
Auvergne-Rhône-Alpes | Boergondië-Franche-Comté | Bretagne | Centre-Val de Loire | Grand Est | Hauts-de-France | Île-de-France | Korsika | Nieu-Akwitanië | Normandië | Oksitanië | Pays de la Loire | Provence-Alpes-Côte d'Azur
Oorsese geweste (Régions d’outre-mer):
Frans-Guyana | Guadeloupe | Martinique | Mayotte | Réunion