Olenekium

Die Olenekium is ’n chronostratigrafiese etage sowel as ’n geologiese tydsnede van onderskeidelik die sisteem en periode Trias (serie/epog Vroeë Trias). Dit verwys dus na ’n tydperk sowel as die gesteentes wat in dié tydperk gevorm het.

Periode/ sisteem	Epog/ serie	Tydsnede/ etage	M. jaar gelede
Jura	Vroeg	Hettangium	jonger
Trias	Laat	Rhaetium	201,3–208,5
		Norium	208,5–~228
		Karnium	~228–~235
	Middel	Ladinium	~235–~242
		Anisium	~242–247,2
	Vroeg	Olenekium	247,2–251,2
		Indusium	251,2–252,2
Perm	Lopingium	Changhsingium	ouer
Die verdeling van die Trias (IKS).

Die tydperk was van sowat 251,2 tot 247,2 miljoen jaar gelede.^[1] Dit is voorafgegaan deur die Indusium en gevolg deur die Anisium.

Naam en definisie

Die Olenekium is genoem na die rivier Olenjok (of Olenek) in Siberië, waar die oorspronklike tipeligging voorkom. Die basis van die etage word gedefinieer deur die eerste voorkoms van die Conodonta Neospathodus waageni en is ook naby die eerste voorkoms van die ammoniete Hedenstroemia en Meekoceras gracilitatis. Die bokant van die etage word gedefinieer deur die eerste voorkoms van die Conodonta Chiosella timorensis en lê ook naby die eerste voorkoms van die ammoniete Japonites, Paradanubites en Paracrochordiceras.