Olimpiese Somerspele 1948

Die Olimpiese Somerspele 1948 (Engels: 1948 Summer Olympics), amptelik bekend as die Spele van die XIVde Olimpiade, is tussen 29 Julie en 14 Augustus 1948 in Londen, Verenigde Koninkryk, aangebied. Londen is bo Baltimore, Lausanne, Los Angeles, Minneapolis en Philadelphia gekies.^[7] Na 'n onderbreking van 12 jaar deur die Tweede Wêreldoorlog was dit die eerste Spele sedert die Somerspele van 1936 in Berlyn asook die tweede Olimpiade na die Olimpiese Somerspele 1908 wat in die Britse hoofstad gehou is. Die Olimpiese Winterspele 1948 is in St. Moritz, Switserland, aangebied.

Switserse roeiers het die Olimpiese vlag in 'n langboot vanuit Basel na Londen geneem

Spele van die XIVe Olimpiade

Gehou in Londen, Verenigde Koninkryk Deelnemende lande 59 Nasionale Olimpiese Komitees Deelnemende atlete 4 104 (3 714 mans, 390 vroue)[2] Items 136 in 17 sporte[4] Openingseremonie 29 Julie 1948 Sluitingseremonie 14 Augustus 1948 Amptelik geopen deur Koning George VI[6] Atlete-eed Don Finlay (atletiek) Beampte-eed – (sedert 1972) Olimpiese vlam John Mark (atletiek) Vorige Spele 1944: Londen (VK) Volgende Spele 1952: Helsinki (Finland)

Die Somerspele was baie eenvoudig en het later as die Austerity Games bekend gestaan vanweë die ekonomiese klimaat waarin die na-oorlogse Verenigde Koninkryk hom bevind het. Weens die Britse regering se strenge besparingsbeleid is geen nuwe fasiliteite vir die Spele beplan en opgerig nie en atlete in bestaande behuising gehuisves. Die Olimpiese dorp in Uxbridge het uit kasernes bestaan, die vervoer was ontoereikend en voedsel soos vleis, botter, melk en brood was steeds gerantsoeneer.

Daar is ook op die infrastruktuur bespaar en geen nuwe sportplekke is vir die Spele opgerig nie. Die Wembley-stadion, wat eintlik 'n sokkerstadion is, het vir die geleentheid 'n atletiekbaan bygekry. Die nabygeleë Empire Pool is vir beide die saalsporte sowel as die swemkompetisies gebruik. Die fietsry het by die opgeknapte Herne Hill plaasgevind en daar is op die Teemsrivier geroei.

'n Rekordgetal van 59 nasies het aan die Spele deelgeneem en is deur altesaam 4 104 atlete in 17 sportdissiplines verteenwoordig, van wie 3 714 manlik en 390 vroulik was. Weens hul dade tydens die Tweede Wêreldoorlog is Duitsland en Japan deelname aan die Spele geweier. Die Sowjetunie is uitgenooi maar het verkies om geen atlete na Londen te stuur nie.^[8]

Sporte

17 Olimpiese sportsoorte in 136 dissiplines is tydens die Spele beoefen. Tydens die Spele is 138 goue medaljes oorhandig. Daarbenewens is wedstryde in verskeie demonstrasiesporte beslis.

• Atletiek (33)
• Basketbal (1)
• Boks (8)
• Fietsry
  • Baan (4)
  • Pad (2)
• Gewigoptel (6)
• Gimnastiek (9)
• Kanovaart (9)
• Moderne vyfkamp (1)
• Roei (7)
• Ruitersport
  • Dressuur (2)
  • Driefasekompetisie (2)
  • Spring (2)
• Seilvaart (5)
• Skermsport (7)
• Skyfskiet (4)
• Sokker (1)
• Stoei
  • Grieks-Romeins (8)
  • Vrystyl (8)
• Veldhokkie (1)
• Watersport
  • Sierduik (4)
  • Swem (11)
  • Waterpolo (1)

• Lacrosse en Sweedse gimnastiek is as demonstrasiesporte aangebied.

Stadions

Sportplekke wat tydens die Olimpiese Somerspele 1948 gebruik is:

Binne Londen

Die Olimpiese vlam tydens die openingseremonie van die Olimpiese Somerspele 1948 in die Wembley-stadion

Openingseremonie van die 1948 Londen-Spele in die Wembley-stadion

Die twee torings van Wembley-stadion, voorheen bekend as Empire-stadion, in 2002

Empire Pool, nou bekend as Wembley Arena, in 2007

Stadion	Sporte	Kapasiteit
Arsenal-stadion	Sokker	73 000
Champion Hill	Sokker	3 000
Craven Cottage	Sokker	25 700
Empire Pool	Boks, Sierduik, Swem, Waterpolo	12 500
Empire-stadion	Atletiek, Ruitersport (spanspring), Veldhokkie (medaljewedstryde), Sokker (medaljewedstryde)	82 000
Empress Hall, Earl's Court	Boks, Gimnastiek, Gewigoptel, Stoei	19 000
Finchley Lido	Waterpolo	Nie gelys nie
Green Pond Road-stadion	Sokker	21 708
Griffin Park	Sokker	12 763
Guinness Sports Club	Veldhokkie	Nie gelys nie
Harringay Arena	Basketbal, Stoei	Nie gelys nie
Herne Hill Velodrome	Fietsry (baan)	Nie gelys nie
Lynn Road	Sokker	3 500
Lyons' Sports Club	Veldhokkie	Nie gelys nie
Polytechnic Sports Ground	Veldhokkie	Nie gelys nie
Royal Military Academy	Moderne vyfkamp (hardloop)	Nie gelys nie
Selhurst Park	Sokker	26 309
Wembley Palace of Engineering	Skermsport	Nie gelys nie
White Hart Lane	Sokker	36 310

Buite Londen

Stadion	Ligging	Sporte	Kapasiteit
Aldershot Command Central Sports Ground	Hampshire	Ruitersport (dressuur, driegangkampioenskap, individuele spring), Moderne vyfkamp (perdry, skermsport, swem)	Nie gelys nie
Bisley National Rifle Association Ranges	Bisley, Surrey	Moderne vyfkamp (skietsport), Skyfskiet	Nie gelys nie
Fratton Park	Portsmouth	Sokker	Nie gelys nie
Goldstone Ground	Brighton	Sokker	Nie gelys nie
Henley Royal Regatta	Henley-on-Thames	Kanovaart, Roei	Nie gelys nie
Torbay	Devon	Seilvaart	Nie gelys nie
Tweseldown Racecourse	Fleet, Hampshire	Ruitersport (driegangkampioenskap)	Nie gelys nie
Windsor Great Park	Windsor, Berkshire	Fietsry (pad)	Nie gelys nie

Deelnemende nasies

Hier volg 'n alfabetiese lys van al die Nasionale Olimpiese Komitees wat deelgeneem het. Waar beskikbaar word die getal atlete per land in hakies aangedui:

•  Afghanistan (25)
•  Argentinië (199)
•  Australië (75)
•  België (152)
•  Bermuda (12)
•  Brasilië (70)
•  Brits-Guyana (4)
•  Chili (54)
•  Colombia (6)
•  Denemarke (162)
•  Egipte (85)
•  Filippyne (26)
•  Finland (129)
•  Frankryk (316)
•  Griekeland (61)
•  Hongarye (129)
•  Ierland (73)
•  Indië (79)
•  Irak (11)
•  Iran (36)
•  Italië (213)
•  Jamaika (13)
•  Joego-Slawië (90)
•  Kanada (118)
•  Kuba (53)
•  Libanon (8)
•  Liechtenstein (2)
•  Luxemburg (45)
•  Malta (1)
•  Meksiko (88)
•  Mianmar (4)
•  Monaco (4)
•  Nederland (149)
•  Nieu-Seeland (7)
•  Noorweë (81)
•  Oostenryk (144)
•  Pakistan (35)
•  Panama (1)
•  Peru (41)
•  Pole (37)
•  Portugal (48)
•  Puerto Rico (9)
•  Republiek China (31)
•  Singapoer (1)
•  Sirië (1)
•  Spanje (65)
•  Sri Lanka (7)
•  Suid-Afrika (35)
•  Suid-Korea (46)
•  Swede (181)
•  Switserland (181)
•  Trinidad en Tobago (5)
•  Tsjeggo-Slowakye (87)
•  Turkye (58)
•  Uruguay (61)
•  Venezuela (1)
•  Verenigde Koninkryk (398)
•  Verenigde State (300)
•  Ysland (20)

Suid-Afrikaanse deelname

Die hoofartikel vir hierdie afdeling is: Suid-Afrika op die Olimpiese Spele.

Gerald Dreyer (liggewig) en George Hunter (ligswaargewig) wen goud, Dennis Shepherd (veergewig) silwer en John Arthur die bronsmedalje in boks.

Getal medaljes

Kaart van deelnemende nasies in 1948:

   Neem vir die eerste keer deel

   Het reeds vantevore deelgeneem

     Gasheerstad Londen

Hier is die top tien lande wat medaljes by die Spele verower het:

Plek	Land	Deelnemers	Goud	Silwer	Brons	Totaal
1	Verenigde State (USA)	300	38	27	19	84
2	Swede (SWE)	181	16	11	17	44
3	Frankryk (FRA)	316	10	6	13	29
4	Hongarye (HUN)	129	10	5	12	27
5	Italië (ITA)	213	8	11	8	27
6	Finland (FIN)	129	8	7	5	20
7	Turkye (TUR)	58	6	4	2	12
8	Tsjeggo-Slowakye (TCH)	87	6	2	3	11
9	Switserland (SUI)	181	5	10	5	20
10	Denemarke (DEN)	162	5	7	8	20
12	Verenigde Koninkryk (GBR)	398	3	14	6	23
18	Suid-Afrika (RSA)	35	2	1	1	4

Sien ook

• Olimpiese Somerspele 1908 in Londen
• Olimpiese Somerspele 1944 in Londen beplan, maar weens die Tweede Wêreldoorlog gestaak
• Olimpiese Somerspele 2012 in Londen