Turkmene

Die Turkmene (Turkmeense enkelvoud: Türkmen, Түркмен; meervoud: Türkmenler, Түркменлер, [tʏɾkmɛnˈlɛɾ]) vorm naas die Oesbeke en die Kasakke die derde grootste Turkse etniese groep in Sentraal-Asië. Hulle vorm die titulêre nasie van Turkmenistan, waar hulle sowat 85,6% van dié land se bevolking uitmaak, en praat Turkmeens, 'n Turkse taal, as moedertaal.

Etniese kaart van Sentraal-Asië

'n Turkmeen in Turkmenistan geklee in tradisionele klere, deur Prokoedin-Gorski omtrent 1910^[7][8][9]

Hierdie artikel handel oor die etniese groep. Vir die taal, sien Turkmeens.

Turkmene
Totale bevolking:	ca. 9 miljoen
Belangrike bevolkings  in:	Turkmenistan ~4,2 miljoen[1]  Iran 1,3 miljoen[2]  Afghanistan 200 000[3]  Oesbekistan 152 000[4]  Pakistan 110 000[5]  Rusland 46 885  Tadjikistan 15 171  Oekraïne 7 709[6]
Taal:	Turkmeens
Geloofsoortuiging:	Hoofsaaklik Soennitiese Islam
Verwante etniese groepe:	Ander Turkse volke soos Azerbeidjanners, Basjkiriërs, Gagaoesiërs, Karakalpakke, Kasakke, Kirgisiërs, Oeigoere, Oesbeke, Tartare, Tsjoewasjiërs en Turke

Naas Turkmene leef nog klein minderhede soos Oesbeke (5,8%), Russe (5,1%) en Kasakke (0,4%) in Turkmenistan. Turkmeense minderhede leef in lande soos Iran (1,3 miljoen), Afghanistan (200 000), Oesbekistan (152 000) en Pakistan (110 000).

Die Turkmene van Sentraal-Asië moenie verwar word nie met die Turkmene van die Midde-Ooste in Irak, Sirië en Turkye wat meer verwant aan Turke is en tydens die Ottomaanse tydperk daar gevestig het.^[10]