Wordium

Die Wordium is ’n chronostratigrafiese etage sowel as ’n geologiese tydsnede in onderskeidelik die sisteem en periode Perm (epog/serie Guadalupium). Dit verwys dus na ’n tydperk sowel as die gesteentes wat in dié tydperk gevorm het.

Periode/ sisteem	Epog/ serie	Tydsnede/ etage	M. jaar gelede
Trias	Vroeg	Indusium	jonger
Perm	Lopingium	Changhsingium	252,2–254,1
		Wuchiapingium	254,1–259,8
	Guadalupium	Capitanium	259,8–265,1
		Wordium	265,1–268,8
		Roadium	268,8–272,3
	Sisuralium	Kungurium	272,3–283,5
		Artinskium	283,5–290,1
		Sakmarium	290,1–295,0
		Asselium	295,0–298,9
Karboon	Pennsylvanium	Gzhelium	ouer
Die verdeling van die Perm (IKS).

Die etage/tydsnede was van sowat 268,8 tot 265,1 miljoen jaar gelede.^[1] Dit is voorafgegaan deur die Roadium en gevolg deur die Capitanium.

Naam en definisie

Die tipeligging van die Wordium is in die Guadalupe-berge in Texas, VSA. Die basis word gedefinieer deur die eerste voorkoms van die Conodonta Jinogondolella aserrata en die bokant deur die eerste voorkoms van die Conodonta Jinogondolella postserrata.