Diözese Rottenburg-Stuttgart
From Wikipedia, the free encyclopedia
Remove ads
S Bischtum Rauteburg-Stuegert (offiziell: Diözese Rottenburg-Stuttgart, lat.: Dioecesis Rottenburgensis-Stutgardiensis) isch e römisch-katholeschi Diözes im wirttebärgische Deil vum Bundesland Bade-Wirttebärg.
Remove ads
Gschicht
S Bischtum Rauteburg isch anne 1821 dur di päpschtlige Zirkumskriptionsbulle De salute animarum un Provida solersque as katholischi „Landeschilche“ vum Chenigryych Wirttebärg grindet wore. No dr Yygliderig vu ganze katholische Landstrich in s friejer rein proteschtantisch Herzogtum Wiirtebärg isch des notwändig gsi. Mit dr Yysetzig vum erschte Bischof, em Johann Baptist von Keller, am 20. Mai 1828 isch d Yyrichtig vu dr Diözes abgschlosse gsi.
Dr Sitz vum Bischof isch d Kathedrale z Rauteburg, dr Dom St. Martin. As Konkathedrale dienet d Domchilche St. Eberhard z Stuegert. D Grablegi vu dr Bischef isch sit 1869 i de Chilche z Sülche.
D Zahl vu dr Katholike isch noch em Zwete Wältchrieg sekli aagstige dur d Heimetverdribene.
Anne 1978 isch dr Name vum Bischtum in dr hitig Name Bistum Rottenburg-Stuttgart gänderet wore.
Remove ads
Bischef
- Johann Baptist von Keller (1828–1845)
- Josef von Lipp (1847–1869)
- Karl Joseph von Hefele (1869–1893)
- Wilhelm von Reiser (1893–1898)
- Franz Xaver von Linsenmann (1898–1898)
- Paul Wilhelm Keppler (1898–1926)
- Joannes Baptista Sproll (1927–1949)
- Carl Joseph Leiprecht (1949–1974)
- Georg Moser (1975–1988)
- Walter Kasper (1989–1999)
- Gebhard Fürst (2000–2023)
- Klaus Krämer (2024–heute)
Bischtumsgliderig
S Bischtum Rauteburg-Stuegert isch e Suffraganbischtum vu Fryybeg un isch in 25 Dekanat (6. April 2008) un 1.039 Gmeine (1. Jänner 2006) glideret. Bis zum 1. Jänner 2008 sin in eme Umstrukturierigsprozäss d Dekanatsgränze an d Landchreisgränze aagliche wore.
Dekanat
Konkordat
Noch em Artikel 14 vum Ryychskonkordat vu anne 1933, wu bis hite giltet, richte sich d Bsetzig vum Bischofsstuel un d Zämmesetzig vum Domkapitel no dr Reglige vum Badische Konkordat us em Johr 1932.
Chilchligi Yyrichtige
- Bischefligs Jugedamt & BDKJ Diözesanverband Wernau
- Jugedstiftig just
- Minischtrantereferat
- Stiftigsforum in dr Diözes Rauteburg-Stuegert
Bildigsyyrichtige
D Diözes Rauteburg-Stuegert unterhaltet vier Internat un e baar Schuele.
Internat:
- Internat "Maria Hilf" z Bad Mergentheim
- Internat Kolleg St. Josef z Enge
- Internat Konvikt Rautweil z Rautweil
- Musischs Internat Martinihuus z Rauteburg
Uuswahl vu Schuele:
Prieschterseminar
Z Dibenge unterhaltet d Diözes e Theologekonvikt, s Wilhelmsstift, wu d Prieschteramtskandidate in ihrem Theologii-Studium an dr Universitet Dibenge din wohne. S Wilhelmsstift lyt in dr Nechi vu dr St. Johanneschilche un vum Theologicum. Abituriente ohni Känntnis in Hebräisch, Altgriechisch un Latynisch, wu s fir s Studium brucht, absolviere vor em Studium zwei Sprochesemeschter im Ambrosianum Dibenge. Di paschtoral Uusbildig, wu an s Studium aaschließt, erfolgt im Prieschterseminar z Rauteburg.
Katholischi Verwaltigszäntre
Di Katholische Verwaltigszäntre sin in dr Diözes Rauteburg-Stuegert bildet wore go di chilchlig Verwaltig kompakter organisiere. Di katholische Verwaltigszäntre sin dur d Zämmefierig vu dr Ufgabe vu dr Gsamtchilchefpläg un dr Aktuariat bildet.
Dodermit ibernimmt e katholisch Verwaltigszäntrum d Ufgab vu dr fachlige Berotig un Betrejig vu allne Chilchegmeine in eme Dekanat (friejer d Ufgab vum Aktuariat), derzue au no di ganz Verwaltig vun ere Gsamtchilchegmei.
In dr Diözes Rauteburg-Stuegert sin bis hite (Stand: 2009) die katholische Verwaltigszäntre bildet wore:
- Katholischs Verwaltigszäntrum Albstadt
- Katholischs Verwaltigszäntrum Biberach
- Katholischs Verwaltigszäntrum Friedrichshafe
- Katholischs Verwaltigszäntrum Heilbrunn
- Katholischs Verwaltigszäntrum Schwäbisch Gmünd
- Katholischs Verwaltigszäntrum Reitlenge
- Katholischs Verwaltigszäntrum Dibenge
Remove ads
Wichtigi Chilche
- Dom St. Martin z Rauteburg
- Konkathedrale: Domchilche St. Eberhard z Stuegert
- Stiftschilche St. Nikolaus (Comburg) z Schwäbisch Hall
- Heilig-Chryz-Minschter z Schwäbisch Gmünd
Bischtumspatron
Weblink
- Internetsyte vu dr Diözes Rauteburg-Stuegert
- Stiftigsforum in dr Diözes Rauteburg-Stuegert
- Jugedstiftig vu dr Diözes Rauteburg-Stuegert
- Stiftig Katholischi Freji Schuel vu dr Diözes Rauteburg-Stuegert
- Yytrag uf catholic-hierarchy.org (Änglisch)
 |
Dä Artikel basiert uff ere fräie Übersetzig vum Artikel „Bistum_Rottenburg-Stuttgart“ vu de dütsche Wikipedia. E Liste vu de Autore un Versione isch do z finde. |
Remove ads
Wikiwand - on
Seamless Wikipedia browsing. On steroids.
Remove ads