Берберҙар

Берберҙар (юнан. βάρβαροι, лат. barbari; исем әмәзәғ, амахаг — «ирекле ир^[17]»; кабил. Imaziɣen) — төньяҡ Африканың VII быуатта ислам динен ҡабул иткән ерле халҡы. Улар йәшәгән биләмәләр көнсығышта Египеттың көнбайыш сиктәренән (Сива оазисынан) башланып, көнбайышта Атлантик океанға тиклем һуҙылһа, көньяҡта — Нигер йылғаһына саҡлы, төньяҡта иһәе Урта диңгеҙгә тиклем территорияны алып тора. Афрозия макроғаиләһенең бербер-ливан телдәрендә һөйләшәләр. Дин буйынса — күпселеге сөннәтле мосолмандар.

Был терминдың башҡа мәғәнәләре лә бар, ҡарағыҙ: Бербер.

Берберҙар

Һаны һәм йәшәгән урыны
Барлығы: яҡынса 24 млн. кеше *  Алжир: 10 791 400[1]  Марокко: 9 229 000[2]  Франция: 1 233 000[3]  Канар утрауҙары: 941 000[4]  Ливия: 269 100[5]  Нидерланд: 158 000[6]  Көнбайыш Сахара: 144 000[7]  Тунис: 102 500[8]  Бельгия: 91 000[9]  Италия: 39 000[10]  Германия: 36 000[11]  Мысыр: 34 000[12]  Мавритания: 10 500[13]  Канада: 10 000[14]  Бөйөк Британия: 6 100[15]  Сенегал: 2 800[16]
Тел	бербер, ғәрәп, француз
Дин	ислам
Раса тибы	европеоид
Туғандаш халыҡтар	ғәрәптәр, сонгай, фульбе

Төньяҡ Африканы мосолмандар баҫып алғандан һуң, Мәғриб халҡына ғәрәп мәҙәниәте ныҡ йоғонто яһай. Халыҡтың күпселеге мигриб — ғәрәп телен белә. Халыҡтың бер өлөшө XIX—XX быуаттарҙағы колониаль осорҙа таралған француз һәм испан телдәрен белә.

Шулай уҡ берберҙарҙың ҙур ғына диаспораһы Францияла бар. Был диаспоранан күренекле шәхестәр сыҡҡан. Берберҙар этник һәм лингвистик яҡтан бер төрлө түгел, улар ғәрәптәр менән аралашып йәшәйҙәр.

Телдәрен аңламаған өсөн «бербер» тигән исемде европалылар, варвар һүҙенә оҡшатып биргән. Был атама экзоним булып тора, йәғни бербер халҡы үҙе был атаманы ҡулланмай.

Халыҡтар

Күп һанлы бербер халҡы араһында төп халыҡтар:

1. Амацирга — материктың төньяҡ-көнсығыш ярынан алып Атлас тауҙарына тиклем Телла провинцияһында йәшәгән Марокко халҡы. Диңгеҙ юлбаҫарҙары булараҡ Риф пираттары исеме менән билдәле халыҡ.
2. Шилла — Ум-эр-Ребиа һәм Тензифт тигеҙлегендә, Атлас тауҙарынан көньяҡҡа табан Атлантик океанға тиклем ерҙәрҙә йәшәгән Марокко халҡы.
3. Кабил — Алжирҙа йәшәгән халыҡ.
4. Шауйя — Алжирҙа йәшәгән халыҡ.
5. Сахара берберҙары — сүллектә йәшәгән, бик ҙур территориялар биләгән халыҡ. Иң билдәлеләре: туарегов, бени-мезаб, сокну, аудшилу, сива. Канар утрауҙарының испандар тарафынан өлөшләтә ассимиляцияланған Гуанчи халҡының берберҙарға инеүе асыҡланмаған.

улед-наиль^[en] халынан бербер

Мароккола күскенсе бербер

Милли кейемдә бербер, Алжир

Тарихы

Египеттан көнбайышҡараҡ йәшәгән берберҙарҙың ливан ата-бабалары боронғо мысыр яҙмаларында телгә алына^[18].

Шулай уҡ ҡарағыҙ

Бербер телдәре