Сербтар

Сербтар (сер. СрбиСрби) — Сербия, Черногория, Босния һәм Герцеговина, Хорватия, Германия, Австрия һәм башҡа илдәрҙә йәшәүсе көньяҡ славян халҡы. Дөйөм һаны 12-13 млн кеше. Төп дине — православие. Теле — серб.

Сербы

Үҙ атамаһы	сер. Срби
Һаны һәм йәшәгән урыны
Барлығы: ≈12-13 млн[1][2]  Сербия 6 212 838[3]  Босния һәм Герцеговина 1 239 019[4]  Швейцария 191 500[5]  Австрия 177 300[6]  АҠШ более 170 000[7]  Канада 100 000-125 000[8]  Швеция 100 000[9]  Австралия 95 000[10]  Франция 80 000[11]  Италия 78 174[12]  Словения 38 000[13]  Төньяҡ Македония 35 939[14]  Румыния 22 518[15]  Греция 10 000[16]  Венгрия 7350[17]
Тел	Серб
Дин	Православие
Халыҡ	көньяҡ славяндар
Туғандаш халыҡтар	хорваттар, боснаҡтар, черногорҙар, словендар, македондар, болгарҙар

Этногенез

Шулай уҡ ҡарағыҙ: Сербия тарихы

VII быуат аҙағында славяндарҙың һәм улырҙың күршеләренең таралыу картаһы

Серб халҡының килеп сығышы турыһында бер нисә теория бар.

Сербтарҙы беренсе мәртәбә Плиний Старший телгә ала, шулай уҡ Клавдий Птолемей беҙҙең эраның 2-се быуатында үҙенең «География»һында Төньяҡ Кавказ һәм Түбәнге Волга буйында йәшәүсе сармат ҡәбиләһе тип яҙа. 4-се быуатта сармат сербттары башҡа славян ҡәбиләләре менән, һундар һәм аландар баҫымы аҫтында Үҙәк Европаға күсенә. Хәҙерге көнбайыш Германия һәм көнбайын Польша ерҙәрендә Аҡ Сербия өлкәһендә урынлашалар. Ҡайһы бер тикшереүселәр мәғлүмәте буйынса Эльба-Зале төбәгендә, башҡа мәғлүмәт буйынса Висла Һәм Одра йылғаларының өҫкө өлөшөндә, өсөнсөләр Эльба-Зале һәм Висла төбәгенең бөтә ерҙәрендә тип иҫәпләй. Сербтар урындағы славян халыҡтары менән ҡушыла. Саксонияла хәҙерге көнгә тиклем Сорбия районы бар (Лужица, Lusatia, Sorbian Łužica, German Lausitz).

Византия императоры Константин Багрянородный II яҙмаһы буйынса, сербтар (берҙәм славян халҡы булараҡ) 7-се быуатта, Ираклий I хакимлек иткән осорҙа, хеҙерге Сербия, Македония, Черногория, Дальмация, Босния һәм Герцеговина ерҙәрендә төпләнә.

Европаны ғосман илбаҫарҙары баҫып алғас, төрөктәр баҫымы аҫтында бөлгөнлөккә төшкән күпселек сербтар Сава һәм Дунай йылғалары буйына төньяҡҡа һәм көнсығышҡа күсенә, хәҙерге Воеводина, Славония, Трансильвания һәм Венгрия ерҙәре. Һуңыраҡ, XVII быуатта меңләгән сербтар Рәсәй империяһына юллана, уларға Новороссияла ерҙәр бирелә, был райондар Яңы Сербия һәм Славяносербия тип атала.