Станіслаў II Кішка

Станіслаў Кішка (? — 1 лістапада 1554) — дзяржаўны дзяяч Вялікага Княства Літоўскага. Ваявода віцебскі (з 1544).

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Станіслаў Кішка (неадназначнасьць).

Станіслаў Кішка

Герб «Дуброва»
Асабістыя зьвесткі
Памёр	1 лістапада 1554
Род	Кішкі
Бацькі	Пётар Кішка Алена зь Ільлінічаў
Жонка	Ганна з Радзівілаў
Дзеці	Ян, Станіслаў, Ганна

Трымаў Браслаўскае староства (1522), а таксама Ўсьвяцкую і Азярышчанскую дзяржавы^[1].

Біяграфія

З магнацкага роду Кішкаў гербу «Дуброва», сын Пятра, кашталяна троцкага, і Алены зь Ільлінічаў. Меў братоў Пятра і Мікалая.

Ажаніўся з Ганнай (каля 1525—1600), дачкой падчашага Яна Радзівіла. У шлюбе нарадзіліся дзеці:

• Ян (каля 1540—1592), кашталян віленскі
• Станіслаў (каля 1550—1617)
• Ганна, жонка ваяводы берасьцейскага Крыштапа Зяновіча

Па сьмерці С. Кішкі ягоная жонка выйшла замуж паўторна за Крыштапа Садоўскага.

Крыніцы

1. Станіслаў Думін. Кішкі // ВКЛ. Энцыкл. — Мн.: 2005 Т. 2. С. 101.

Літаратура

• Вялікае княства Літоўскае: Энцыклапедыя. У 3 т. / рэд. Г. П. Пашкоў і інш. — Мн.: Беларуская Энцыклапедыя, 2005. — Т. 2: Кадэцкі корпус — Яцкевіч. — 788 с. — ISBN 985-11-0378-0