Ігар Сокал

І́гар Сярге́евіч Сокал (нарадзіўся 4 сакавіка 1962 году, Маладэчна) — беларускі дыплямат.

Ігар Сокал
Надзвычайны і Паўнамоцны Амбасадар Рэспублікі Беларусь ва Ўзбэкістане
18 красавіка 2008 — 10 верасьня 2013
Прэзыдэнт	Аляксандар Лукашэнка
Прэм’ер-міністар	Сяргей Сідорскі, Міхаіл Мясьніковіч
Папярэднік	Мікалай Дзямчук
Наступнік	Мікалай Клакевіч
Надзвычайны і Паўнамоцны Амбасадар Рэспублікі Беларусь ва Ўкраіне
13 чэрвеня 2016 — 19 кастрычніка 2023
Прэзыдэнт	Аляксандар Лукашэнка
Прэм’ер-міністар	Міхаіл Мясьніковіч
Папярэднік	Валянцін Вялічка
Асабістыя зьвесткі
Нарадзіўся	4 сакавіка 1962 (63 гады) Маладэчна
Адукацыя	Кіеўская вышэйшая агульнавайсковая вучэльня імя Фрунзэ[d] (1983) Кіеўскі нацыянальны ўнівэрсытэт імя Тараса Шаўчэнкі (1995) Акадэмія кіраваньня пры прэзыдэнце Рэспублікі Беларусь (2000)
Узнагароды	Ганаровая грамата Савету Міністраў Рэспублікі Беларусь (2012) Ганаровая грамата Савету Міністраў Рэспублікі Беларусь (2016)

Біяграфія

У 1979—1983 гадах навучаўся ў Кіеўскай вышэйшай агульнавайскавай вучэльні імя Фрунзэ. У 1995 годзе скончыў Кіеўскі нацыянальны ўнівэрсытэт, у 2000 годзе — Акадэмію кіраваньня пры прэзыдэнце Рэспублікі Беларусь.

Паводле афіцыйнай біяграфіі, з 1983 па 2000 год быў на вайсковай службе^[1].

Прынамсі з 2003 г. працаваў у Апараце Савета Міністраў Рэспублікі Беларусь, у прыватнасьці, у 2004-2008 гг. займаў пасаду кіраўніка галоўнага ўпраўленьня міжнароднага супрацоўніцтва і гандлю^[1].

18 красавіка 2008 году прызначаны Надзвычайным і Паўнамоцным Амбасадарам Рэспублікі Беларусь ва Ўзбэкістане^[2]. 10 верасьня 2013 году быў адстаўлены з гэтай пасады^[3].

З 13 чэрвеня 2016 году — Надзвычайны і Паўнамоцны Амбасадар Рэспублікі Беларусь ва Ўкраіне^[4]. Вызвалены ад пасады 19 кастрычніка 2023 году^[5].

Зьнявага беларускага сьцягу

9 лютага 2022 г. І. Сокал накіраваў афіцыйны ліст гарадзкому галаве г. Дніпра Барысу Філатаву, у якім зьняважыў беларускі нацыянальны бел-чырвона-белы сьцяг, назваўшы яго «сымболікай калябарацыяністаў і карнікаў беларускага народу ў гады Вялікай Айчыннай вайны»^[6]. Ліст Сокала быў рэакцыяй на замену афіцыйнага сьцягу Рэспублікі Беларусь на бел-чырвона-белы сьцяг на флягштоку перад дніпроўскай гарадзкой адміністрацыяй^[7].