Валянцін Вялічка

Валянці́н Уладзі́меравіч Вялі́чка (15 чэрвеня 1944, в. Сідараўцы, Менская вобласьць — 9 сакавіка 2018) — беларускі дыплямат, Надзвычайны і Паўнамоцны Амбасадар Рэспублікі Беларусь у Латвіі (1993—1997) і ва Ўкраіне (2001—2016).

Вікіпэдыя мае артыкулы пра іншых асобаў з прозьвішчам Вялічка.

Валянцін Вялічка
Надзвычайны і Паўнамоцны Амбасадар Рэспублікі Беларусь ва Ўкраіне
8 чэрвеня 2001 — 13 чэрвеня 2016
Прэзыдэнт	Аляксандар Лукашэнка
Прэм’ер-міністар	Уладзімер Ярмошын, Генадзь Навіцкі, Сяргей Сідорскі
Папярэднік	Віталь Курашык
Наступнік	Ігар Сокал
Міністар па справах Садружнасьці Незалежных Дзяржаваў
10 верасьня 1997 — 10 сьнежня 1998
Прэзыдэнт	Аляксандар Лукашэнка
Асабістыя зьвесткі
Нарадзіўся	15 чэрвеня 1944(1944-06-15) Сідараўцы, цяпер Валожынскі раён
Памёр	9 сакавіка 2018(2018-03-09) (73 гады)
Партыя	Камуністычная партыя Савецкага Саюзу Камуністычная партыя Беларусі
Адукацыя	Санкт-Пецярбурскі дзяржаўны тэхналягічны інстытут
Узнагароды	Ганаровая грамата Савету Міністраў Рэспублікі Беларусь (10 чэрвеня 2014) Ганаровая грамата Савету Міністраў Рэспублікі Беларусь (8 чэрвеня 2004)

Біяграфія

Нарадзіўся 15 чэрвеня 1944 году ў вёсцы Сідараўцы, на тэрыторыі пад акупацыяй Трэцяга Райху, у тагачасным вялейскім раённым камісарыяце Генэральнай акругі Беларусь Райхскамісарыята Остлянд, цяпер Валожынскі раён Менскай вобласьці Беларусі.

15 красавіка 1993 году прызначаны Надзвычайным і Паўнамоцным Амбасадарам Рэспублікі Беларусь у Рэспубліцы Латвія^[1]; 8 чэрвеня 1994 году стаў дадаткова амбасадарам у Рэспубліцы Фінляндыі па сумяшчальніцтве^[2]. Заставаўся на гэтых пасадах да 10 верасьня 1997 году, калі быў адстаўлены й адначасова прызначаны Міністрам па справах Садружнасьці Незалежных Дзяржаваў^[3]. З пасады міністра быў адстаўлены 10 сьнежня 1998 году^[4].

З 20 студзеня 1999 году быў першым намесьнікам Міністра замежных справаў Рэспублікі Беларусь^[5]. 8 чэрвеня 2001 году быў адстаўлены з гэтай пасады й адначасова прызначаны амбасадарам ва Ўкраіне^[6], на гэтай пасадзе знаходзіўся да 13 чэрвеня 2016 году.

8 чэрвеня 2004 году ўзнагароджаны Ганаровай граматай Савету Міністраў Рэспублікі Беларусь^[7]. Таксама быў узнагароджаны Ганаровай граматай Вярхоўнага Савету БССР.

Памёр 9 сакавіка 2018 году^[8].