Ідрыса Гуе

Ідрыса́ Гана́ Гуе́ (па-француску: Idrissa Gana Gueye; нар. 26 верасьня 1989 году, Дакар) — сэнэгальскі футбольны паўабаронца, гулец ангельскага клюбу «Эвэртан» і нацыянальнай зборнай Сэнэгалу. Звычайна гуляе на пазыцыі апорнага паўабаронцы, то бок ёсьць гульцом, які скіраваньне на разбурэньне нападаў супернікаў.

Ідрыса Гуе
Пэрсанальная інфармацыя
Нарадзіўся	26 верасьня 1989(1989-09-26)[1][2][3] (35 гадоў) Дакар, Сэнэгал
Рост	174 см
Вага	64 кг
Пазыцыя	паўабаронца
Клюбная інфармацыя
Клюб	Эвэртан
Нумар	27
Клюбы
Гады	Клюб	Гульні (галы)¹
2007—2008	Дыямбар[d]
2010—2015	Ліль	134 (5)
2015—2016	Астан Віла	35 (0)
2016—2019	Эвэртан	99 (3)
2019—2022	Пары Сэн-Жэрмэн	74 (6)
2022—4	Эвэртан	95 (4)
Зборныя
2011—4	Сэнэгал	116 (7)
2012	Сэнэгал (да 23)[d]	1 (0)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 25 траўня 2025. ² Колькасьць гульняў і галоў за нацыянальную зборную ў афіцыйных матчах, адкарэктавана на 10 чэрвеня 2025.

Кар’ера

Клюбная

Кар’еру пачынаў у моладзевым клюбе «Дыямбар» на радзіме ў Сэнэгале. У 2008 року трапіў у моладзевы склад францускага клюбу «Ліль». У 2010 року дэбютаваў за дарослы склад клюбу. 10 ліпеня 2015 року Гуе далучыўся да ангельскага клюбу элітнага дывізіёну «Астан Віла», а трансфэрны кошт склаў 9 мільёнаў фунтаў стэрлінгаў^[4]. 8 жніўня ён дэбютаваў у гасьцёх у матчы супраць «Борнмуту», які скончыўся перамогай новага клюбу сэнэгальца зь лікам 0:1. 19 студзеня 2016 року Гуе забіў свой першы і адзіны гол за «Вілу» ў пераможным матчы Кубка Ангельшчыны супраць «Ўікам Ўандэрэрз», які стаўся паўторным празь нічыю ў першым матчы. У агульнай складанасьці Гуе 35 разоў зьяўляўся на пляцоўцы ў кашулі бірмінггэмскага клюбу, аднак клюб паводле вынікаў сэзону страціў месца ў Прэм’ер-лізе^[5].

2 жніўня 2016 року калі «Астан Віла» выляцела з Прэм’ер-лігі, «Эвэртан» скарыстаўся гэтым і склаў дамову аб пераходзе Гуе ў свае шэрагі. Як паведамлялася, гэтая дамова абышлася лівэрпульскаму клюбу 7,1 млн фунтаў стэрлінгаў^[5]. Кантракт быў складзены на чатыры рокі^[6]. У новым клюбе Гуе адразу атрымаў месца ў асноўным складзе, а паводле вынікаў 2016 року сэнэгалец зарабіў найбольшую колькасьць пасьпяховых перахопаў за матч у пяці лепшых лігах Эўропы за каляндарны рок^[7][8].

30 ліпеня 2019 року перайшоў у «Пары Сэн-Жэрмэн». Кошт трансфэру склаў каля 30 млн эўра. Дэбют гульца адбыўся 25 жніўня таго ж року ў пераможным матчы супраць «Тулюзы», які скончыўся буйной паразай гасьцей^[9].

Міжнародная

У 2012 выступаў за алімпійскую зборную Сэнэгалу на Алімпійскіх гульнях у Лёндане.

29 лютага 2012 року дэбютаваў у афіцыйных матчах у складзе нацыянальнай зборнай у таварыскім матчы са зборнаю ПАР.

Дасягненьні

«Ліль»:

• Чэмпіён Францыі: 2011

«Пары Сэн-Жэрмэн»:

• Чэмпіён Францыі: 2020, 2022
• Уладальнік Кубка Францыі: 2020, 2021
• Уладальнік Кубка францускае лігі: 2020
• Уладальнік Супэркубка Францыі: 2022

Сэнэгал:

• Уладальнік Кубка афрыканскіх нацыяў: 2021