Абрамовічы

Абрамо́вічы (Абрагамо́вічы) — шляхецкі род гербу «Любіч» зьменены альбо «Ястрабец» зьменены. Родапачынальнік — Абрам Мацкевіч, дзяржаўца відзаўскі, на пачатку XVI стагодзьдзя атрымаў ад віленскага біскупа Яна пацьвярджэньне на 4 валокі зямлі ў Дуброўне каля Ліды. Меў сыноў Станіслава і, магчыма, Якуба й Юзафа Ждана. Род згас у 1867 годзе^[1].

Герб Ястрабец зьменены роду Абрамовічаў

Найбольш вядомыя

Абрам Мацковіч

1. Станіслаў
   1. Ян (? — 19 красавіка 1602), ваявода менскі 1593—1596 і смаленскі ад 1596, ж. — Ганна Дарота з Валовічаў
      1. Мікалай (? — люты 1651), ваявода мсьціслаўскі 1643—1647 і троцкі ад 1647, ж. —- 1) Дубоўская; 2) Ева Курцэвіч-Булыга, удава Аляксандра Масальскага; 3) 22 красавіка 1642 Альжбета Гарнастай, удава кіеўскага падкаморыя кальвініста Андрэя Драгаёўскага
         1. Самуэль Андрэй (1617—1663), староста старадубскі ад 1647, апошні з ваяводзкае галіны, ж. — Алена Шэмет
         2. Станіслаў, староста булакоўскі
         3. Кацярына, м. — Мацей Міхал Францкевіч-Радзімінскі
2. Якуб
3. Юзаф Ждан

Геранім

1. Якуб, валодаў маёнткамі ў Лідзкім павеце
   1. Самуэль Міхал (? — каля 1689), губскі староста, скарбнік і чашнік віленскі, ж. — Кацярына Быкоўская-Мардас
   2. Андрэй, скарбнік і стольнік віленскі, ж. — Агінская
      1. Андрэй (? — верасень 1763), кашталян берасьцейскі ад 1757
      2. Ежы (? — 1767), староста старадубскі ад 1763, ж. — Марыяна Дзерналовіч
         1. Андрэй
         2. Яўхім (? — 1795), падстароста старадубскі, староста губскі, у 1791 кіраўнік грамадзянскае адміністрацыі Віленскага ваяводзтва, ж. — Францішка Серакоўская
            1. Мікалай (? — 1835), ж. — Эмілія Кацярына Бахмінская (у першым шлюбе Шыманоўская, у другім Ціхоцкая)
            2. Ігнат (? — 1867), ж. — Матыльда дэ Мэйлян
            3. Марыяна
            4. Ядзьвіга Караліна
         3. Тэрэса
      3. Адам (23 жніўня 1710—1776), езуіт