Азела

Азела (Азуль, Езель, Эзель), Ясіла (Ясе́ль) — мужчынскае імя і вытворнае ад яго прозьвішча.

Aselo
Паходжаньне
Мова(-ы)	германскія
Утворанае ад	Aso + суфікс з элемэнтам -л- (-l-)
Іншыя формы
Варыянт(ы)	Ясіла, Азуль, Ясель, Езель, Эзель
Зьвязаныя артыкулы
якія пачынаюцца з «Азела»

Паходжаньне

Асноўны артыкул: Імёны ліцьвінаў

Азіла, Азела або Есіла (Asilo, Aselo, Esilo^[a]) — імя германскага паходжаньня^[1]. Іменная аснова ас- (ос-) (імёны ліцьвінаў Осман, Асьміна, Ашнар; германскія імёны Osman, Osminna, Asinar) паходзіць ад гоцкага *anseis, германскага ans 'паганскае боства, ідал'^[2][3].

Імя Язіла гістарычна бытавала ў Польшчы: Jazylo / Jazilo (1420 год)^[4].

Варыянты імя ў гістарычных крыніцах: Лукашъ Еселевичъ (1528 год)^[5]; именье мое Мацкишки… людми тяглыми… Езель Якубовичъ з братею, служба (12 красавіка 1557 году)^[6]; Лаврукъ Ясиловичъ (24 красавіка 1580 году)^[7]; Teresa Azel (1820 год)^[8]; Jakub Jasiłowicz (1826 год)^[9].

Носьбіты

• Лукаш Яселевіч — радуньскі баярын, які ўпамінаецца ў попісе войска Вялікага Княства Літоўскага 1528 году

Азелы (Oziełło) — прыгонныя з ваколіцаў Сьвянцянаў, якія ўпамінаюцца ў XIX стагодзьдзі^[10].

Азулевічы (Azulewicz) гербу Алябанда — літоўскі шляхецкі род зь Лідзкага павету^[11].

Асулевічы (Asulewicz) — літоўскі шляхецкі род зь Вільні^[12].

Эзелевічы (Ezielewicz) — літоўскі шляхецкі род^[13].

Ясілевічы — літоўскі шляхецкі род^[14].

Глядзіце таксама

• Ажэлішкі

Заўвагі

1. Паводле назвы мясцовасьці Esilinga