Алесандра Бастоні

Алеса́ндра Басто́ні (па-італьянску: Alessandro Bastoni; нар. 13 красавіка 1999 году) — італьянскі футбаліст, цэнтральны абаронца клюбу «Інтэрнацыянале» і нацыянальнай зборнай Італіі. Уважаецца адным з найлепшых цэнтральных абаронцаў у сьвеце, вядомы сваімі дасканалымі падкатамі і здольнасьцю абыходзіцца зь мячом^[3][4].

Алесандра Бастоні
Пэрсанальная інфармацыя
Нарадзіўся	13 красавіка 1999(1999-04-13)[1] (26 гадоў) Казальмаджорэ, правінцыя Крэмона[d], Лямбардыя, Італія
Рост	190 см[2]
Вага	75 кг
Пазыцыя	нападнік
Клюбная інфармацыя
Клюб	Інтэрнацыянале
Нумар	95
Клюбы
Гады	Клюб	Гульні (галы)¹
2016—2017	Аталянта	3 (0)
2017—	Інтэрнацыянале	179 (5)
2017—2018	→ Аталянта	4 (0)
2018—2019	→ Парма	24 (1)
Зборныя
2018—2019	Італія (да 21)[d]	12 (1)
2020—	Італія	37 (2)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 18 траўня 2025. ² Колькасьць гульняў і галоў за нацыянальную зборную ў афіцыйных матчах, адкарэктавана на 9 чэрвеня 2025.

Кар’ера

Клюбная

Бастоні прайшоў праз розныя ўзроставыя групы ў Бэргама, перш чым далучыцца да моладзевай каманды Прымавэры, дзе замацаваўся як асноўны цэнтральны абаронца. Упершыню трапіў у заяўку першай каманды 30 кастрычніка 2016 году на матч «Аталянты» супраць «Джэноа». Дэбют футбаліста прыпаў на матч Кубак Італіі, які ладзіўся месяцам пазьней. У ім бэргамцы гулялі супраць «Пэскары». Бастоні правёўшы на полі ўвесь матч, які скончыўся перамогай ягонай каанды зь лікам 3:0. 22 студзеня 2017 году абаранца запачаткаваў кар’еру ў матчы Сэрыі А ў гульні супраць «Сампдорыі» (1:0). Футбаліст згуляў усе 90 хвілінаў матчу.

31 жніўня 2017 году «Інтэрнацыянале» афіцыйна абвесьціў аб падпісаньні з Бастоні кантракту, што каштавала мілянцам 31 мільён эўра^[5]. У той жа дзень было пацьверджана, што ён застанецца ў «Аталянце» на правах арэнды яшчэ на два сэзоны^[6]. 14 ліпеня 2018 году «Інтэрнацыянале» датэрмінова вярнуў Бастоні з арэнды і працягнуў зь ім кантракт да 2023 году. Улетку 2018 году ў рамках дамовы пазыкі абаронца сэзон правёў у складзе «Пармы»^[7].

Міжнародная

Яшчэ з маладога веку прыцягваўся да выступаў за зборныя Італіі розных узростаў. Упершыню атрымаў выклік у нацыянальную зборную Італіі ад галоўнага трэнэра Рабэрта Манчыні на матчы Лігі нацыяў супраць зборных Босьніі і Герцагавіны ды Нідэрляндаў у верасьні 2020 году. Дэбютаваў у складзе зборнай 11 лістапада, зьвіўшыся ў першай адзінаццатцы ў таварыскім матчы супраць зборнай Эстоніі. Гэты матч ладзіўся ў Флярэнцыі і скончыўся перамогай гаспадароў зь лікам 4:0.

Дасягеньні

«Інтэрнацыянале»:

• Чэмпіён Італіі: 2021, 2024
• Уладальнік Кубка Італіі: 2022, 2023
• Уладальнік Супэркубка Італіі: 2021, 2022, 2023

Італія:

• Чэмпіён Эўропы: 2020