Альпень

Альпе́нь^[1] — вёска ў Столінскім раёне Берасьцейскай вобласьці, за 2 км на захад ад Велямічаў, за 3 км на поўдзень ад Давыд-Гарадку, за 10 км на паўночны ўсход ад Рубелю. Альпень уваходзіць у склад Веляміцкага сельсавету.

Альпень
трансьліт. Aĺpień
Першыя згадкі:	1479
Краіна:	Беларусь
Вобласьць:	Берасьцейская
Раён:	Столінскі
Сельсавет:	Веляміцкі
Вышыня:	127 м н. у. м.
Насельніцтва:	514 чал. (2010)
Часавы пас:	UTC+3
Тэлефонны код:	+375 1655
Паштовы індэкс:	225517
Нумарны знак:	1
Геаграфічныя каардынаты:	52°1′0.01″ пн. ш. 27°10′0.01″ у. д.
Альпень на мапе Беларусі ± Альпень Альпень
Галерэя здымкаў у Вікісховішчы

Гісторыя

Першая згадка пра населены пункт ў архіўных дакумэнтах прыпадае на 1479 год. У гэтым годзе княгіня Ганна, удава князя Сьвідрыгайлы, падарыла Альпень Зяновічу-Альпенскаму. У 1515 годзе князь Фёдар Яраслававіч падарыў Альпень Зяновію Сямёнавічу Ляшкевічу.

З 1921 году ў складзе Польскай Рэспублікі. З 1939 году ў складзе Беларускай ССР.

Насельніцтва

• XX стагодзьдзе: 1909 год — 175 двароў, 1150 чалавек; 1939 год — 1470 жыхароў; 1970 год — 1536 чалавек (перапіс); 1988 год — 403 дамы, 857 чалавек (491 жанчына і 366 мужчын); 1994 год — 351 гаспадарка, 689 жыхароў; 1999 год — 643 жыхары; 2000 год — 323 хаты, 627 жыхароў
• XXI стагодзьдзе: 2002 год — 315 двароў, 635 жыхароў; 2010 год — 514 жыхароў

Вуліцы

Вёска мае вулічны тып пасяленьня. Тут налічваецца каля 20 вуліц і 5 завулкаў.

Інфармацыя для турыстаў

• Царква Ўсьпеньня Прасьвятой Багародзіцы, пабудаваная ў 1888 годзе. З гэтай нагоды 28 жніўня ў вёсцы штогод праходзіць прастольнае сьвята, якое зьяўляецца неафіцыйным днём вёскі.

Дунін-Марцінкевіч

Вінцэнт Дунін-Марцінкевіч, знаходзячыся ў 1849 годзе ў Альпені, напісаў тут верш «Вясна!», які ўвайшоў у зборнікі яго твораў. Верш датаваны 12 траўня 1849 году. А ўжо 13 траўня ён піша верш «Прыпяць», пад якім напісана: «На водах Прыпяці; траўня 13 дня 1849 году».