Аляксандар Сьвярчынскі
беларускі футбаліст From Wikipedia, the free encyclopedia
Remove ads
Алякса́ндар Сьвярчы́нскі (нарадзіўся 16 верасьня 1991 году, Менск, БССР) — колішні беларускі футбаліст, абаронца.
Remove ads
Кар’ера
Выхаванец школы футбольнага клюбу «Менск», таксама гуляў за фарм-клюб «Менск-2» і дубль. З 2011 году пачаў трапляць у асноўны склад каманды. У сэзоне 2013 году замацаваўся ў асноўным складзе ў якасьці правага абаронцы, чаргаваўся на гэтай пазыцыі з Раманам Бегуновым. У пачатку сэзону 2014 году выходзіў на замену, але неўзабаве Бегуноў быў пераведзены ў цэнтар, і Сьвярчынскі стаў асноўным правым абаронцам каманды. У студзені 2015 году падоўжыў кантракт зь «Менскам»[3].
У лютым 2016 году перайшоў у славацкі клюб «Зэмплін»[4]. У ліпені 2016 году падпісаў кантракт зь менскім «Дынама»[5]. Спачатку гуляў у пачатковым складзе менчукоў, але ў верасьні страціў месца ў асноўным складзе. У сакавіку 2017 году перайшоў у клюб «Іслач»[6], які пакінуў у чэрвені 2017 году[7]. У ліпені 2017 году ізноў перайшоў у «Зэмплін»[8]. Спачатку гуляў у стартавым складзе славацкага клюбу, пазьней пачаў заставацца на лаўцы запасных. У лютым 2018 году падпісаў кантракт з клюбам «Менск»[9], але ўжо ўлетку скасаваў кантракт з клюбам. У ліпені 2018 году перайшоў у армянскі клюб «Гандзасар Капан»[10], які пакінуў у студзені 2019 году[11].
У пачатку 2019 году, завяршыўшы кар’еру, заклаў у Летуве IT-кампанію «Alex Sverch Football Promotion Group MB», якая займаецца распрацоўкай дадаткаў у індустрыі спорту. У верасьні 2020 году анансаваў стварэньне асацыяцыі футбалістаў дзеля юрыдычнай абароны, мэдычнай падтрымкі і перападрыхтоўкі па завяршэньні кар’еры[12].
Увосень 2024 году перад пачаткам фінальнага этапу Другой лігі Сьвярчынскі склаў працоўнае пагадненьне з рагачоўскім «Дняпром»[13].
Remove ads
Статыстыка
Крыніцы
Вонкавыя спасылкі
Wikiwand - on
Seamless Wikipedia browsing. On steroids.
Remove ads