Аляксандраўка (Брагінскі раён)

Алякса́ндраўка — вёска ў Брагінскім раёне Гомельскай вобласьці. Аляксандраўка ўваходзіць у склад Новаялчанскага сельсавету. Насельніцтва 14 чал. (2004).

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Аляксандраўка.

Аляксандраўка
Першыя згадкі:	19 стагодзьдзе
Вобласьць:	Гомельская
Раён:	Брагінскі
Сельсавет:	Новаялчанскі
Насельніцтва:	14 (2004)
Тэлефонны код:	+375 2344
Аўтамабільны код:	3
Геаграфічныя каардынаты:	51°27′ пн. ш. 30°29′ у. д.
Аляксандраўка на мапе Беларусі Аляксандраўка

Знаходзіцца за 45 км ад Брагіна і за 4 км ад чыгуначнай станцыі Новая Ялча на лініі Оўруч — Палтава, за 164 км ад Гомлю, каля аўтадарогі Камарын — Брагін.

На поўдні і захадзе ад вёскі сетка мэліярацыйных каналаў.

Гісторыя

Паводле пісьмовых крыніцаў вёска вядомая з XIX ст. як слабада ў Рэчыцкім павеце Менскай губэрні. У 1930 року савецкая ўлада арганізавала калгас.

Насельніцтва

• 1908 — 30 двароў, 146 жыхароў.
• 1959 — 130 жыхароў (паводле перапісу).
• 2004 — 10 двароў, 14 жыхароў.

Забудова

У вёсцы 10 жылых хат (2004). Плянаваньне складаецца з кароткай, просталінейнай вуліцы, забудаванай драўлянымі хатамі.

Літаратура

• Гарады і вёскі Беларусі: Энцыклапедыя. Т. 1, кн. 1. Гомельская вобласць / С.В. Марцэлеў; рэдкал.: Г.П. Пашкоў (гал. рэд.) [і інш.]. — Менск: БелЭн, 2004. — 632 с.: іл. ISBN 985-11-0303-9.