Аляксей Цімашэнка
беларускі футбаліст From Wikipedia, the free encyclopedia
Remove ads
Аляксе́й Цімашэ́нка (нар. 9 сьнежня 1986 году, Гомель, БССР) — колішні беларускі футбаліст, паўабаронца.
Remove ads
Кар’ера
Пачаў кар’еру ў клюбе «Гомель», пасьля перайшоў у «Ведрыч-97». У 2008 годзе вярнуўся ў гомельскі клюб. У ліпені 2011 году атрымаў траўму і выбыў да канца сэзону 2011 году. Па вяртаньні ў сэзоне 2012 году ўжо ня меў трывалага месца ў асноўным складзе і ў жніўні 2012 году быў аддадзены ў арэнду ў бабруйскую «Белшыну» да канца сэзону 2012 году[3][4].
У лютым 2013 году канчаткова пакінуў Гомель і падпісаў кантракт з мазырскай «Славіяй», дзе быў трывалым гульцом асновы. Звычайна гуляў на пазыцыі правага паўабаронцы, часам выступаў у якасьці абаронцы. Правёў за мазырскі клюб усе 32 матчы чэмпіянату, але ня здолеў выратаваць каманду ад вылету ў Першую лігу. У студзені 2014 году зноў апынуўся ў «Белшыне»[5]. Быў асноўным правым паўабаронцам. У кастрычніку 2014 году не гуляў праз траўму, у лістападзе 2014 году вярнуўся ў аснову.
У сакавіку 2015 году падпісаў кантракт зь мікашэвіцкім «Гранітам»[6]. Замацаваўся ў асноўным складзе мікашэвічцаў, выкарыстоўваўся на розных пазыцыях — ад абаронцы да нападніка. Па заканчэньні сэзону 2015 году зьявілася інфармацыя аб цікавасьці да Цімашэнкі з боку менскага «Дынама»[7]. У студзені 2016 году накіраваўся быў на прагляд у салігорскі «Шахцёр», зь якім падпісаў кантракт[8]. Гулец ня даў рады і на полі зьяўляўся эпізадычна. Па заканчэньні сэзону 2016 году пакінуў Салігорск[9].
У студзені 2017 году перайшоў у клюб «Віцебск»[10]. Пачынаў сэзон 2017 году ў асноўным складзе каманды, выступаў пераважна на пазыцыі левага абаронцы, а пазьней стаў радзей зьяўляцца на полі. Па заканчэньні сэзону пакінуў віцебскую каманду і ў лютым 2018 году перайшоў у «Слуцак»[11]. У складзе слуцкай каманды замацаваўся ў пачатковым складзе. У сьнежні 2018 году падоўжыў кантракт з случакамі[12]. Прапусьціў пачатак сэзону 2019 году, але пазьней вярнуў месца ў першай адзінаццатцы. У ліпені не гуляў праз траўму, а пазьней зьяўляўся на полі эпізадычна. У сьнежні 2019 году кантракт з «Слуцкам» быў скасаваны[13].
У студзені 2020 году папоўніў склад рэчыцкага «Спадарожніка»[14]. Спачатку трывала гуляў у стартавым складзе, а пасьля толькі часам выходзіў на замену. Паводле вынікаў сэзону 2020 году дапамог рэчыцкаму клюбу прабіцца ў Найвышэйшую лігу. У пачатку 2021 году далучыўся да гомельскага «Лякаматыва». Спачатку часьцей выходзіў на замену, а зь ліпеня замацаваўся ў стартавым складзе каманды. У лютым 2022 году падоўжыў пагадненьне з клюбам[15]. У сэзоне 2022 году радзей зьяўляўся на полі. Па ягоным заканчэньні пакінуў клюб[16].
Remove ads
Дасягненьні
«Гомель»:
- Уладальнік Кубка Беларусі: 2011
- Бронзавы прызэр чэмпіянату Беларусі: 2011
- Уладальнік Супэркубка Беларусі: 2012
Статыстыка
Крыніцы
Вонкавыя спасылкі
Wikiwand - on
Seamless Wikipedia browsing. On steroids.
Remove ads