Дубраўскі сельсавет (Пухавіцкі раён)

Ду́браўскі сельсавет — адміністрацыйна-тэрытарыяльная адзінка ў складзе Пухавіцкага раёну Менскай вобласьці. Цэнтар савету — вёска Дубраўка.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Дубраўскі сельсавет.

Дубраўскі сельсавет
Агульныя зьвесткі
Краіна	Беларусь
Статус	сельсавет Беларусі[d]
Адміністрацыйны цэнтар	Дубраўка
Дата ўтварэньня	23 ліпеня 1984
Насельніцтва	▼1809 чал. (2019)
Мэдыя-зьвесткі
Часавы пас	UTC+03:00
Дадатковыя мультымэдыйныя матэрыялы

Гісторыя

Утвораны 20 жніўня 1924 года як Сінчанскі сельсавет у складзе Пухавіцкага раёну Менскай акругі БССР. Цэнтар — вёска Сінча. Пасьля скасаваньня акруговай сыстэмы 26 ліпеня 1930 году ў Пухавіцкім раёне БССР. З 20 лютага 1938 года ў складзе Менскай вобласьці.

5 траўня 1962 году да сельсавету далучана частка скасаванага Варашылаўскага сельсавету (8 населеных пунктаў: Апляўніца, Быцень, Вомельна, Востраў, Клятное, Любячка, Мельніца і Палёк)^[1].

23 сьнежня 1965 году цэнатр сельсавету перанесены ў вёску Вомельна. 15 чэрвеня 1972 года сельсавет перайменаваны ў Амяльнянскі сельсавет. 23 ліпеня 1984 году цэнтар сельсавету перанесены ў вёску Дубраўка, сельсавет перайменаваны ў Дубраўскі.

Насельніцтва

Насельніцтва сельсавету паводле перапісу 2009 году — 2024 чалавекі^[2], зь іх 92,6% — беларусы, 5,7% — расейцы, 0,9% — украінцы^[3].