Клятное (Пухавіцкі раён)

Клятно́е^[1] — вёска ў Пухавіцкім раёне Менскай вобласьці Беларусі. Уваходзіць у склад Дубраўскага сельсавету.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Клятное.

Клятное
трансьліт. Kliatnoje
Краіна:	Беларусь
Вобласьць:	Менская
Раён:	Пухавіцкі
Сельсавет:	Дубраўскі
Насельніцтва:	49 чал. (2009)
Часавы пас:	UTC+3
Тэлефонны код:	+375 1713
Паштовы індэкс:	222816
СААТА:	6244870036
Нумарны знак:	5
Геаграфічныя каардынаты:	53°19′40″ пн. ш. 28°4′56″ у. д.
Клятное на мапе Беларусі ± Клятное Клятное

Знаходзіцца за 27 км на паўднёвы захад ад Мар’інай Горкі і чыгуначнай станцыі Пухавічы на лініі Менск-Асіповічы.

Гісторыя

У 1710 годзе згадваецца як моцна пацярпелая ў Паўночную вайну вёска ў складзе маёнтку Сьмілавічы-Бакшты ў Менскім ваяводзтве ВКЛ^[2].

У XIX—XX ст. у Амельнянскай воласьці Ігуменскага павету Менскай губэрні.

У 1912 годзе пачала працаваць народная вучэльня.

У Першую сусьветную вайну ў лютым — сьнежні 1918 году была пад акупацыяй войскаў кайзэраўскай Нямеччыне.

25 сакавіка 1918 году згодна з Трэцяй Устаўной граматай вёска абвешчана часткай Беларускай Народнай Рэспублікі. З 1 студзеня 1919 году ў адпаведнасьці з пастановай І з’езду КП(б) Беларусі вёска ўвайшла ў склад БССР.

У жніўні 1919 — ліпені 1920 вёска знаходзілася пад польскай уладай.

Пасьля рэвалюцыі працавала працоўная школа 1-ай ступені.

З чэрвеня 1941 г. да пачатку 4 ліпеня 1944 г. вёска была пад нямецкай акупацыяй. У 1942—1943 гг. было расстраляна 23 жыхары вёскі.

Да 5 траўня 1962 году вёска ўваходзіла ў склад Варашылаўскага сельсавета, пасля — у складзе Сінчанскага сельсавету^[3].

Насельніцтва

• 1816 год — 22 двары, каля 140 жыхароў
• На пачатку XX ст. — 54 двары, 357 жыхароў
• 2009 год — 49 чалавек^[4]

Асобы

• Якаў Камейка (1911 — пасьля 1996) — савецкі ваенны і грамадзкі дзеяч, генэрал-маёр
• Іван Хурс — вайсковец, віцэ-адмірал