Дубраўка (Дубраўскі сельсавет)

Ду́браўка^[1] — вёска ў Пухавіцкім раёне Менскай вобласьці Беларусі. Цэнтар Дубраўскага сельсавету.

Дубраўка
трансьліт. Dubraŭka
Краіна:	Беларусь
Вобласьць:	Менская
Раён:	Пухавіцкі
Сельсавет:	Дубраўскі
Насельніцтва:	799 чал. (2009)
Часавы пас:	UTC+3
Тэлефонны код:	+375 1713
СААТА:	6244870021
Нумарны знак:	5
Геаграфічныя каардынаты:	53°27′6.98″ пн. ш. 28°6′46.01″ у. д.
Дубраўка на мапе Беларусі ± Дубраўка Дубраўка
Галерэя здымкаў у Вікісховішчы

Знаходзіцца за 19 км на паўднёвы захад ад раённага цэнтру, 19 км чыгуначнай станцыі Пухавічы на лініі Менск-Асіповічы, каля аўтамабільнай дарогі Мар’іна Горка — Селецк.

Гісторыя

У пачатку 20 ст. маёнтак у Амельнянскай воласьці Ігуменскага павету Менскай губэрні.

У Першую сусьветную вайну ў лютым — сьнежні 1918 году была пад акупацыяй войскаў кайзэраўскай Нямеччыне.

25 сакавіка 1918 году згодна з Трэцяй Устаўной граматай вёска абвешчана часткай Беларускай Народнай Рэспублікі. З 1 студзеня 1919 году ў адпаведнасьці з пастановай І з’езду КП(б) Беларусі вёска ўвайшла ў склад БССР.

У жніўні 1919 — ліпені 1920 вёска знаходзілася пад польскай уладай.

У 1926 г. пасёлак. На пачатку 1930-х гг. створаны калгасы «Краіна Саветаў» і «Спаборнік», працавалі дзьве кузьні.

З чэрвеня 1941 г. да 4 ліпеня 1944 г. вёска была пад нямецкай акупацыяй.

З 23.07.1984 году цэнтар сельсавету.

Насельніцтва

• Пачатак ХХ ст. — 1 двор, 3 жыхары
• 1920 — 20 гаспадарак, 99 жыхароў
• 2002 год — 268 двароў, 858 жыхароў
• 2009 год — 799 чалавек^[2]

Асоба

• Андрэй Варанецкі — Герой Сацыялістычнай Працы (1966).