Артур Мілер

Арту́р Э́шэр Мі́лер (па-ангельску: Arthur Asher Miller; 17 кастрычніка 1915 — 10 лютага 2005) — вядомы амэрыканскі драматург 20-га стагодзьдзя. Нарадзіўся ў Нью-Ёрку. Найбольш вядомыя ягоныя п’есы «Сьмерць каміваяджэра» (Death of a Salesman) і «Салемскія ведзьмы» (The Crucible). Артур Мілер лічыцца найбольш уплывовым драматургам 20-га стагодзьдзя ў Амэрыцы. Таксама вядомы тым, што яго жонкай была Мэрылін Манро.

Артур Мілер
Arthur Miller
Асабістыя зьвесткі
Імя пры нараджэньні	Arthur Asher Miller
Псэўданімы	Jonathan Lovelett
Нарадзіўся	17 кастрычніка 1915(1915-10-17)[1][2][3][…] Нью-Ёрк, ЗША
Памёр	10 лютага 2005(2005-02-10)[1][2][3][…] (89 гадоў) Роксбуры, Канэктыкут, ЗША
Пахаваны	Great Oak Cemetery[d][4]
Бацькі	Isidore Miller[d][5] Augusta Barnett[d][5]
Сужэнец	Мэрылін Манро, Інге Морат[d] і Mary Slattery[d]
Дзеці	Рэбека Мілер[d], Jane Ellen Miller[d] і Robert A. Miller[d]
Літаратурная дзейнасьць
Род дзейнасьці	драматург, эсэіст
Гады творчасьці	з 1935
Жанр	п’еса, эсэ
Мова	ангельская
Значныя творы	«Усе мае сыны», «Сьмерць коміваяжэра», «Суворае выпрабаваньне»
Прэміі	Пулітцэраўская прэмія (1949), ганаровы чалец Кэнэдзі-цэнтра (1984), Ерусалімская прэмія (2003)
Узнагароды	прэмія Чатырох свабод - Свабода слова[d] Імпэратарская прэмія[d] (2001) Tony Award for Best Author[d] (6 красавіка 1947) Tony Award for Best Author[d] (1949) Пулітцэраўская прэмія за драму[d] (1949) прэмія «Тоні» за найлепшую п’есу[d] (24 красавіка 1949) прэмія «Тоні» за найлепшую п’есу[d] (29 сакавіка 1953) Сэнт-Луіская літаратурная прэмія[d] (1980) Primetime Emmy Award for Outstanding Writing for a Miniseries, Movie or a Dramatic Special[d] (1981) Laurence Olivier Award for Best New Play[d] (1995) Джэфэрсанаўская лекцыя[d] (2001) Ерусалімская прэмія (2003) ганаровы доктар Мадрыдзкага ўнівэрсытэту Камплютэнсэ[d] (2003) Бэрлінская прэмія[d] (1998) PEN/Laura Pels International Foundation for Theater Award[d] Evelyn F. Burkey Award[d] зорка на «Алеі драматургаў»[d]
Подпіс
Артур Мілер у Вікісховішчы
http://www.ibiblio.org/miller/

Біяграфія

Артур Мілер нарадзіўся і гадаваўся у Нью-Ёрку ў сям’і габрэйскіх імігрантаў, якія паходзілі з Польшчы. Сям’я жыла ў дарагой кватэры на Мангэтане каля Цэнтральнага парку, пакуль бацька не страціў грошы падчас Вялікай амэрыканскай дэпрэсіі.

Мілер скончыў Мічыганскі ўнівэрсытэт у спэцыяльнасьці журналістыка. Пачаў пісаць п’есы яшчэ ва ўнівэрсытэце. У 1949 годзе за п’есу «Сьмерць каміваяджэра» атрымаў прэмію Пуліцэра і іншыя прэстыжныя ўзнагароды. У 1953 годзе выдаў п’есу «Салемскія ведзьмы», якая таксама набыла вялікую папулярнасьць, у тым ліку на Брадвэі.

У 1956 годзе пабраўся шлюбам з Мэрылін Манро (гэта быў ягоны другі шлюб). Разьвяліся яны ў 1961 годзе.

Таксама ў 1956 годзе Артур Мілер быў выкліканы на слуханьні ў Кангрэс ЗША й абвінавачваўся ў сувязях з камуністычнай партыяй. Ён падаў апэляцыю, і ў 1958 яна была задаволеная — зь яго зьнялі падазрэньні.

Памёр ва ўзросьце 89 гадоў ў мястэчку Роксбуры, штат Канэктыкут, з прычыны спыненьня сэрца.