Бахмут

Бахму́т (па-ўкраінску: Ба́хмут; у 1924—2016 гадах — Арцёмаўск) — места абласнога значэньня Данецкай вобласьці, адміністрацыйны цэнтар Бахмуцкага раёну. Колькасьць жыхароў — 77 620 чалавек (2013). Разьмешчаны на рацэ Бахмутцы, за 3 км ад аўтастрады Кіеў — Харкаў — п.п. Даўжанскі. Чыгуначны вузел.

Бахмут лац. Bachmut
укр. Бахмут
Цэнтар Бахмуту
Герб Бахмут Сьцяг Бахмут
Дата заснаваньня:	1571
Горад з:	1783
Былая назва:	Арцёмаўск
Краіна:	Украіна
Вобласьць:	Данецкая
Раён:	Арцёмаўская меская рада
Плошча:	74 км²
Вышыня:	200 м н. у. м.
Насельніцтва (2013)
колькасьць:	▼ 77 620 чал.[1]
шчыльнасьць:	1048,92 чал./км²
Часавы пас:	UTC+2
летні час:	UTC+3
Тэлефонны код:	+380 6274
Паштовыя індэксы:	84500—84510
КОАТУУ:	1410300000
Геаграфічныя каардынаты:	48°35′41″ пн. ш. 38°0′3″ у. д.
Бахмут на мапе Ўкраіны Бахмут
Галерэя здымкаў у Вікісховішчы
Арцёмаўская мескрада

Арцёмаўскай мескай радзе падпарадкаваныя два месты раённага значэньня Салядар і Часаў Яр і мястэчка Красна Гора.

Эканоміка

Бахмут у XIX стагодзьдзі

За савецкім часам Арцёмаўск — вялікі цэнтар здабычы каменнай солі (больш за 1/3 дзелі ў краіне). У Бахмуце знаходзяцца НДІ «Соль» і галоўны офіс «АрцёмСоль», тады як солездабыўчыя шахты разьмешчаныя ў Салядары.

Заводы: мэталаапрацоўчы, горназдабыўчага абсталяваньня ды інструмэнтаў, рамонтна-мэханічны, кераміка-трубны, шкляны, дахоўкавы. У 2006 годзе быў адчынены завод францускай кампаніі «Lafarge» па вырабе гіпсакартону і сухіх сумесяў.

Харчовая прамысловасьць: млыны, хлеба- і мясакамбінат, лікёра-гарэлачны завод, завод шампанскіх він, малакозавод. У 2006 адчыненая вытворчасьць розных напояў.

Лёгкая прамысловасьць: абутковая і швейная фабрыкі.

Культура і навука

Данецкая геафізычная экспэдыцыя, досьледная станцыя вінаградарства і садаўніцтва, кінатэатры, геалягічны музэй, клюбы, бібліятэкі.

• Арцёмаўскі індустрыяльны тэхнікум
• Бахмуцкі каледж мастацтваў імя Івана Карабіца
• Арцёмаўская пэдагагічная вучэльня
• Бахмуцкі мэдычны каледж
• Арцёмаўскі прафэсійны ліцэй
• 20 школаў, 29 дзіцячых садкоў, 4 ПТВ, 2 тэхнікумы.

Расейскае ўварваньне ва Ўкраіну

Асноўны артыкул: Расейскае ўварваньне ва Ўкраіну (з 2022)

Паўднёвы захад Бахмута (красавік 2023 г.)

23 траўня 2023 году кіраўнік ПВК «Вагнэр» Яўген Прыгожын прызнаў, што за 9 месяцаў бітвы за Бахмут са жніўня 2022 году загінула звыш 20 000 расейскіх захопнікаў. Зь іх 10 000 былі штатнымі наймітамі ПВК «Вагнэр». Яшчэ 10 000 загінулых прыпадала на вязьняў, якіх «Вагнэр» завэрбаваў у расейскіх турмах^[2]. 4 чэрвеня 2023 году сакратар Рады нацыянальнай бясьпекі і абароны Ўкраіны Аляксей Данілаў ацаніў расейскія страты ў Бахмуце за больш як 6 месяцаў у 22 816 вайскоўцаў. Пры гэтым Данілаў паведаміў, што Ўзброеныя сілы Ўкраіны страцілі за гэты час у Бахмуце ў 7,5 разоў менш чалавек забітымі (звыш 3000)^[3].