Аршанская акруга

Арша́нская акру́га — адміністрацыйна-тэрытарыяльная адзінка Беларускай ССР, што існавала зь ліпеня 1924 да ліпеня 1930 году. Адміністрацыйны цэнтар — горад Ворша.

Аршанская акруга
Агульныя зьвесткі
Краіна	СССР
Статус	акруга
Уваходзіць у	Беларуская ССР
Адміністрацыйны цэнтар	Ворша
Дата ўтварэньня	1924
Дата скасаваньня	26 ліпеня 1930
Афіцыйныя мовы	беларуская, расейская
Насельніцтва (1926)	416,3 тыс.
Нацыянальны склад	беларусы — 88,5%; габрэі — 5,9%; расейцы — 3,3%; палякі — 1,5%
Плошча	7,9 тыс. км²
Скасаваная	ліпень 1930
Месцазнаходжаньне
Дадатковыя мультымэдыйныя матэрыялы

Першапачаткова ўключаў 10 раёнаў: Аршанскі, Багушэўскі, Горацкі, Дрыбінскі, Дубровенскі, Копыскі, Коханаўскі, Круглянскі, Ляднянскі, Талачынскі.

У 1927 годзе ў склад Аршанскай акругі ўвайшлі 4 раёны скасаваных Барысаўскай і Калінінскай акругаў: Амсьціслаўскі, Крупскі, Расьненскі і Чарэйскі. Пасьля ўзбуйненьня акругі: плошча 11,7 тыс. км², насельніцтва 572,3 тыс. чалавек.

Паводле зьвестак перапісу 1926 году колькасьць насельніцтва складала 416,3 тыс. чал. У тым ліку беларусы — 88,5%; габрэі — 5,9%; расейцы — 3,3%; палякі — 1,5%.

Орган Аршананскага акркама КП(б) Беларусі й акрвыканкама газэта — «Камуністычны шлях» (1925, № 1 (1 кастр.) — 1930, № 4 (17 чэрв.)).^[1]

Скасаваны ў ліпені 1930, як і большасьць акругаў СССР. Раёны былі перададзеныя ў прамое падпарадкаваньне БССР.^[2]

Старшыні акруговага выканкаму

• ліпень 1924 — ліпень 1928. Пётар Амбражунас (*24 студзеня 1892 вёска Грумшлі, Біржаўская воласьць, Панявескі павет, Ковенская губэрня — †7 траўня 1938, Менск).^[3][4]