Калінінская акруга

Калінінская акруга — адміністрацыйна-тэрытарыяльная адзінка Беларускай ССР, што існавала зь 17 ліпеня 1924 да 9 чэрвеня 1927 году. Адміністрацыйны цэнтар — горад Клімавічы. Плянавалася перанесьці адміністрацыйны цэнтар у мястэчка Крычаў^[1].

Калінінская акруга
Агульныя зьвесткі
Краіна	СССР
Статус	акруга
Уваходзіць у	Беларуская ССР
Адміністрацыйны цэнтар	Клімавічы
Дата ўтварэньня	17 ліпеня 1924
Дата скасаваньня	9 чэрвеня 1927
Афіцыйныя мовы	беларуская, расейская
Насельніцтва (1926)	374,9 тыс.
Нацыянальны склад	беларусы — 92,4%; габрэі — 5,1%; расейцы — 1,7%.
Плошча	8,4 тыс км²
Скасаваная	9 чэрвеня 1927
Месцазнаходжаньне
Дадатковыя мультымэдыйныя матэрыялы

Уключаў 10 раёнаў: Амсьціслаўскі, Бялынкавіцкі, Касьцюковіцкі, Клімавіцкі, Краснапольскі, Крычаўскі, Мілаславіцкі, Расьненскі, Хоцімскі, Чэрыкаўскі.

9 чэрвеня 1927 году скасаваная. Тэрыторыя разьмеркаваная паміж Аршанскай (Амсьціслаўскі і Расьненскі раёны) і Магілёўскай (усе астатнія раёны) акругамі.

Паводле дадзеных перапісу 1926 году колькасьць насельніцтва складала 374,9 тыс. чал. У тым ліку беларусы — 92,4%; габрэі — 5,1%; расейцы — 1,7%.