Бальшавік (Гомельская вобласьць)

Бальшаві́к^[2] — мястэчка^[a] ў Беларусі, у міжрэччы Дняпра і Сажу. Цэнтар сельсавету Гомельскага раёну Гомельскай вобласьці. Насельніцтва на 2018 год — 2534 чалавекі^[1]. Знаходзіцца за 20 км ад Гомелю, за 8 км паўночны захад ад чыгуначнай станцыі Касьцюкоўка (на лініі Гомель — Жлобін); каля шашы Доўск — Гомель.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Бальшавік (неадназначнасьць).

Бальшавік
трансьліт. Baĺšavik
Дата заснаваньня:	1950
Краіна:	Беларусь
Вобласьць:	Гомельская
Раён:	Гомельскі
Сельсавет:	Бальшавіцкі
Насельніцтва:	2534 чал. (2018)[1]
Часавы пас:	UTC+3
Тэлефонны код:	+375 232
Паштовы індэкс:	247014
СААТА:	3210810904
Нумарны знак:	3
Геаграфічныя каардынаты:	52°33′40″ пн. ш. 30°52′43″ у. д.
Бальшавік на мапе Беларусі ± Бальшавік Бальшавік

Гісторыя

За 1,5 км ад мястэчка знаходзілася вёска Лазурная, гісторыя якой пачалася з 1873 годзе, калі зьявілася аднайменная чыгуначная станцыя на лініі Бабруйск — Гомель.

За часамі БССР у гэтай мясцовасьці знаходзіліся пасёлкі працаўнікоў торфаздабыўных прадпрыемстваў (пад нумарамі 1, 2, 3 і 4). 24 жніўня 1950 году пасёлкі аб’ядналі ў адно мястэчка, якое ўвайшло ў склад Уваравіцкага раёну (з 1962 году — у Гомельскім раёне). У 1987 годзе да мястэчка далучылі пасёлак Андрыянаўскі. 12 лістапада 2013 году Бальшавіцкі пасялковы савет рэарганізаваны ў сельсавет^[3].

Насельніцтва

Дэмаграфія

• XX стагодзьдзе: 1969 год — 2,5 тыс. чал.^[4]; 1995 год — 2,8 тыс. чал.^[5]
• XXI стагодзьдзе: 2004 год — 2,4 тыс. чал.^[6]; 2006 год — 2,4 тыс. чал.; 2009 год — 2518 чал.^[7] (перапіс); 2016 год — 2502 чал.^[8]; 2017 год — 2560 чал.^[9]; 2018 год — 2534 чал.^[1]

Інфраструктура

У мястэчку працуюць сярэдняя школа, лякарня, паліклініка, бібліятэка, дом культуры, пошта.

Забудова

Плян складаецца з паралельных паміж сабой 8 вуліцаў рознай даўжыні, арыентаваных з паўднёвага захаду на паўночны ўсход і злучаных завулкамі. Адасобленую частку забудовы складаюць 3 вуліцы, разьмешчаныя на паўночны ўсход ад асноўнай забудовы. Забудова пераважна драўляная.

Эканоміка

Торфазавод «Бальшавік», асфальтавы завод, камбінат побытавага абслугоўваньня, мэханічная майстэрня.

Заўвагі

1. афіцыйны статус — працоўны пасёлак