Баршчэва (гміна Міхалова)

Баршчэ́ва (па-польску: Barszczewo, на мясцовай беларускай гаворцы: Баршчэ́во^[2]) — вёска (солтыства Юшковы Груд) у Беластоцкім павеце Падляскага ваяводзтва Польшчы. Знаходзіцца ў гміне Міхалова.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Баршчэва.

Баршчэва
польск. Barszczewo
Мясцовая назва:	Баршчэво
Краіна:	Польшча
Ваяводзтва:	Падляскае
Павет:	Беластоцкі
Гміна:	Міхалова
Насельніцтва:	79 чал. (2013)[1]
Часавы пас:	UTC+1
летні час:	UTC+2
Тэлефонны код:	+48 85
Паштовы індэкс:	16-050
Нумарны знак:	BIA
Геаграфічныя каардынаты:	52°58′56.000″ пн. ш. 23°40′40.000″ у. д.
Баршчэва на мапе Польшчы Баршчэва

Насельніцтва

Жыхары вёскі ў большасьці этнічныя беларусы, праваслаўныя (прыход Нараджэньня Яна Хрысьціцеля ў Новай Волі^[3]). У каталіцкай часткі насельніцтва (парафія Божага Провіду ў Міхалове^[4]) пераважна польская нацыянальная ідэнтыфікацыя.

Гісторыя

Заснаваньне вёскі датуецца пераломам 18 і 19 стагодзьдзяў. Спачатку яна належала непасрэдна да гарадоцкага маёнтку, але ў 1831 г. перайшла пад фальварак у Юльянцы. У 1845 г. пражывалі тут 5 сем’яў, а ў 1864 г. земля была пераданая на ўласнасьць мужыкоў^[5]. У міжваенны пэрыяд Баршчэва прыналежала да гміны Міхалова Беластоцкага павету Беластоцкага ваяводзтва. Паводле польскага перапісу насельніцтва 1921 г. пражывала тут 91 жыхароў (14 рымакаталікоў, 1 праваслаўны і 76 уніятаў; усе былі пагалоўна запісаныя палякамі)^[6]. У 1950 г. у Баршчэве пражывала 141 чалавек і з таго маменту колькасьць насельніцтва сыстэматычна спадае^[5].