Белае (Барысаўскі раён)

Бе́лае^[3] — вёска ў Барысаўскім раёне Менскай вобласьці, за 4 км на ўсход ад Зачысьця, за 13 км на поўнач ад Лошніцы. 35 км на паўночны ўсход ад Барысава, 106 км ад Менску. Белае ўваходзіць у склад Прыгараднага сельсавету. Вёска разьмешчаная на раўніне, з заходняга боку глебы забалочаныя. Да бліжэйшай чыгуначнай станцыі Прыяміна 13 км. Мясцовай аўтамабільнай дарогай зьвязаная зь вёскай Зачысьце, ад якой празь вёску Новае Янчына можна даехаць да шашы Барысаў — Маісееўшчына.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Белае.

Белае
трансьліт. Bielaje
Першыя згадкі:	канец XVIII стагодзьдзя
Краіна:	Беларусь
Вобласьць:	Менская
Раён:	Барысаўскі
Сельсавет:	Прыгарадны
Вышыня:	200 м н. у. м.
Насельніцтва
колькасьць:	11 чал. (2010)
колькасьць двароў:	7 (2008)[1]
Часавы пас:	UTC+3
Тэлефонны код:	+375 177
Паштовы індэкс:	202136[2]
СААТА:	6208826006
Нумарны знак:	5
Геаграфічныя каардынаты:	54°23′56″ пн. ш. 28°48′18″ у. д.
Белае на мапе Беларусі ± Белае Белае

Гісторыя

Вядома з канца XVIII стагодзьдзя. У 1800 годзе належала Барысаўскаму касьцёлу, адносілася да Барысаўскага павету Менскай губэрні. Паводле перапісу насельніцтва Расейскай імпэрыі 1897 году мела 8 гаспадарак, адносілася да Зачысцкай воласьці Барысаўскага павету. У 1917 годзе 10 гаспадарак. Ад лютага да лістапада 1918 году акупаваная арміяй Нямеччыны, ад жніўня 1919 году да мая 1920 году — пад уладай Польшчы. 1 студзеня 1919 году ўключаная ў склад новаўтворанай Беларускай Савецкай Сацыялістычнай Рэспублікі (БССР). У лютым 1919 году перададзеная Літоўска-Беларускай Савецкай Сацыялістычнай Рэспубліцы. 31 ліпеня 1920 году вернутая ў склад БССР. 20 жніўня 1924 году ўключаная ў склад Зачысцкага сельскага савету Барысаўскага раёна Барысаўскай акругі. Ад 9 чэрвеня 1927 да 26 ліпеня 1930 году ў складзе Менскай акругі, ад 20 лютага 1938 году ў Менскай вобласьці. Перапіс 1926 году засьведчыў у вёсцы 27 гаспадарак. Падчас Другой Сусьветнай вайны ад 1 ліпеня 1941 году да 29 чэрвеня 1944 году ў акупацыі. У 1988 годзе налічвалася 15 гаспадарак. Згодна з рашэньнем Менскага абласнога Савету дэпутатаў ад 30 сакавіка 2016 году перададзеная ў склад Прыгараднага сельсавету^[4].

Пляніроўка

У пляне складаецца з плаўна выгнутай, амаль мэрыдыянальнай вуліцы, забудаванай двухбакова драўлянымі дамамі сядзібнага тыпу^[1].

Насельніцтва

• 2010 год — 11 чалавек
• 2008 год — 14 жыхароў^[1]
• 1999 год — 19 чалавек
• 1988 год — 36 жыхароў^[1]
• 1960 год — 87 жыхароў^[1]
• 1926 год (перапіс) — 123 жыхары^[1]
• 1917 год — 71 жыхар^[1]
• 1897 год — 56 жыхароў^[1]
• 1800 год — 49 жыхароў^[1]