Блёўка

Блёўка^[1] (з 30 ліпеня 1964 году — Усход або Васток^[2][a]) — вёска ў Беларусі, каля ракі Лімнічанкі. Уваходзіць у склад Вішоўскага сельсавету Бялыніцкага раёну Магілёўскай вобласьці.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Усход (неадназначнасьць).

Блёўка лац. Bloŭka
Краіна:	Беларусь
Вобласьць:	Магілёўская
Раён:	Бялыніцкі
Сельсавет:	Вішоўскі
Насельніцтва:	▼2 чал. (2019)
Часавы пас:	UTC+3
Тэлефонны код:	+375 2232
Паштовы індэкс:	213166
СААТА:	7204805016
Нумарны знак:	6
Геаграфічныя каардынаты:	53°55′43″ пн. ш. 29°58′57″ у. д.
Блёўка на мапе Беларусі ± Блёўка Блёўка

Гісторыя

Вялікае Княства Літоўскае

Упершыню Блёўка ўпамінаецца ў 1770 годзе як сяло ў Аршанскім павеце Віцебскага ваяводзтва.

Пад уладай Расейскай імпэрыі

У выніку першага падзелу Рэчы Паспалітай (1772 год) Блёўка апынулася ў складзе Расейскай імпэрыі, у Магілёўскім павеце Магілёўскай губэрні. На 1785 год вёска ўваходзіла ў склад маёнтку Глухаўшчыны, тут было 12 двароў.

У лютым 1918 году Блёўку занялі войскі Нямецкай імпэрыі.

Найноўшы час

25 сакавіка 1918 году згодна з Трэцяй Устаўной граматай Блёўка абвяшчалася часткай Беларускай Народнай Рэспублікі. 1 студзеня 1919 году згодна з пастановай І зьезду КП(б) Беларусі яна ўвайшла ў склад Беларускай ССР.

За часамі Другой сусьветнай вайны з 2 ліпеня 1941 году да 29 чэрвеня 1944 году Блёўка знаходзілася пад нямецкай акупацыяй, 10 вяскоўцаў загінулі на фронце.

Насельніцтва

Дэмаграфія

• XVIII стагодзьдзе: 1785 год — 72 чал.
• XXI стагодзьдзе: 2009 год — 4 чал.^[3]; 2019 год — 2 чал.

Забудова

Блёўка мае лінейны плян, які складаецца з кароткай вуліцы, арыентаванай з паўночнага захаду на паўднёвы ўсход і забудаванай двухбакова, шчыльна драўлянымі хатамі сядзібнага тыпу.

Заўвагі

1. Зьнішчэньне традыцыйнай гістарычнай тапаніміі — адзін з захадаў палітыкі гвалтоўнай русіфікацыі і дэнацыяналізацыі Беларусі (расейскага этнацыду беларусаў)