Брунейка

Брунейка — мужчынскае імя і вытворнае ад яго прозьвішча.

Brunico
Паходжаньне
Мова(-ы)	германскія
Утворанае ад	Bruno + суфікс з элемэнтам -к- (-k-)
Зьвязаныя артыкулы
якія пачынаюцца з «Брунейка»

Паходжаньне

Асноўны артыкул: Імёны ліцьвінаў

Бруніка (Brunicho, Brunico) — імя германскага паходжаньня, вытворнае ад германскага імя Bruno^[1]. Іменная аснова -брун- паходзіць ад германскага brun 'бліскуча карычневы'^[2], стараверхненямецкага brunia 'нагруднік, кіраса, кальчуга'^[3].

Варыянты імя ў гістарычных крыніцах: Ignacy Bruniejko (1821 год)^[4]; Magdalena Brunejko (1830 год)^[5].

Носьбіты

• Мацьвей, Ян і Стэфан Брунейкі — жыхары мястэчка Ліпнішак, якія ўпамінаюцца ў 1773 годзе^[6]

Брунэйка (Brunejko) — прозьвішча, зафіксаванае ў XIX стагодзьдзі ў ваколіцах Сувалкаў^[7].

Брунейка — прозьвішча, гістарычна зафіксаванае на тэрыторыі цяперашняй Летувы^[8].