Буды (Беластоцкі павет)

Бу́ды (па-польску: Budy, на мясцовай беларускай гаворцы: Бу́ды^[2]) — камплекс хутараў (солтыства Цісоўка) ў Беластоцкім павеце Падляскага ваяводзтва Польшчы. Знаходзіцца ў гміне Міхалова.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Буды.

Буды
польск. Budy
Мясцовая назва:	Буды
Краіна:	Польшча
Ваяводзтва:	Падляскае
Павет:	Беластоцкі
Гміна:	Міхалова
Вышыня:	145 м н. у. м.
Насельніцтва:	4 чал. (2013)[1]
Часавы пас:	UTC+1
летні час:	UTC+2
Тэлефонны код:	(+48) 85
Паштовы індэкс:	16-050
Нумарны знак:	BIA
Геаграфічныя каардынаты:	52°54′0″ пн. ш. 23°51′0″ у. д.
Буды на мапе Польшчы Буды
Галерэя здымкаў у Вікісховішчы

Насельніцтва

Жыхары вёскі этнічныя беларусы, праваслаўныя (прыход Узьнясеньня Крыжа Гасподняга ў Ялоўцы) і каталікі (парафія Перамяненьня Панскага ў Ялоўцы^[3]), пераважна з польскай нацыянальнай ідэнтыфікацыяй.

Гісторыя

Буды на старой карце.

Да 1764 г. у лясох ялоўскага стараства працавалі г.з. буднікі, якія пераарацоўвалі дрэва ў вугаль і смалу, з паказанага году вядома на дазвол на пабудову спэцыяльнай для іх вёскі. Вядома, што пад на пачатку ст. жылі тут 2 сем'і стэльмахаў.

Да 1857 г. вёса раззраслася да 57 жыхароў, а да Першай сусьветнай вайны да 39 сем'яў. Ажно 36 сем'яў выехала ў бежанства 1915 г.^[4].

У міжваенны пэрыяд Буды прыналежалі да гміны Ялоўка Ваўкавыскага павету(be) Беластоцкага ваяводзтва. Паводле польскага перапісу насельніцтва 1921 г. пражывала тут 192 жыхароў (34 каталікі і 158 праваслаўныя, усе былі пагалоўна запісаныя палякамі)^[5].

Пасьля Другой сусьветнай вайны Буды былі далучаныя да гміны Міхалова. Яшчэ ў 1950 г. пражывалі тут 241 жыхары і такая колькасьць утрымалася да 70-х гадоў 20 ст.. З моманту пачатку пабудовы Семяноўскага вадасховішча, жыхары пачалі пакідаць вёску (пераважна выяжджалі ў Беласток, Гайнаўку і Пасёлак Бандары). Абшар цэнтра вёскі знайшоўся пад вадой вадасховішча ў 1988 г. і былая вёска Буды стала камплексам хутароў, якіх не дасягнулі вады вадасховішча. ^[4].