Бэрнатышкі

Бэрнатышкі — былы засьценак у Летуве, каля возера Гіліна. Уваходзілі ў склад Езяроскага раёну Ўцянскага павету.

Бэрнатышкі лац. Bernatyški
Краіна:	Летува
Павет:	Уцянскі
Раён:	Езяроскі
Часавы пас:	UTC+2
летні час:	UTC+3
Геаграфічныя каардынаты:	55°39′36″ пн. ш. 26°26′11″ у. д.
Бэрнатышкі на мапе Летувы Бэрнатышкі

Назва

Асноўны артыкул: Бэрнат

Бэрнат (Bernat) — імя германскага паходжаньня^[1]. Таксама літоўска-польская форма Бэрнат разглядаецца як вытворная ад германскага імя Бэрнард^[2].

Яшчэ этнограф і мовазнаўца Яўхім Карскі зьвяртаў увагу на тое, што ў латыскай Курляндыі, «большасьць беларускіх населеных месцаў заканчваюцца на -ішкі»^[3], пазьней у рэчышчы палітыкі летувізацыі падобныя тапонімы на -ішкі азначылі як «гістарычна балтыйскія» і нават «тыпова летувіскія»^[4]. Тым часам менскі дасьледнік Алёхна Дайліда зазначае, што «ва ўсходнегерманскіх мовах быў пашыраны суфікс -isk-: такім парадкам, так менаваная „лінія Сафарэвіча“ (мяжа перавагі паселішчаў з назовамі на -ішкі ў Панямоньні) не абавязкова зьнітаваная з балтамі»^[5].

Гісторыя

У XIX ст. Бэрнатышкі ўваходзілі ў склад Новааляксандраўскага павету Ковенскай губэрні^[6].