Валосавічы (Рудабельскі раён)

Вало́савічы^[1] — вёска ў Рудабельскім раёне Гомельскай вобласьці. Валосавічы ўваходзяць у склад і зьяўляюцца цэнтрам Валосавіцкага сельсавету.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Валосавічы.

Валосавічы лац. Vałosavičy
Першыя згадкі:	1552
Краіна:	Беларусь
Вобласьць:	Гомельская
Раён:	Рудабельскі
Сельсавет:	Валосавіцкі
Насельніцтва:	402 чал. (2010)
Часавы пас:	UTC+3
Тэлефонны код:	+375 2357
Паштовы індэкс:	247304
СААТА:	3240804011
Нумарны знак:	3
Геаграфічныя каардынаты:	52°32′1″ пн. ш. 29°7′3″ у. д.
Валосавічы на мапе Беларусі ± Валосавічы Валосавічы
Галерэя здымкаў у Вікісховішчы

Гісторыя

У крыніцах згадваюцца ў 1552 годзе, уваходзілі ў Мазырскае староства. У вёсцы пражывала 95 душ мужчынскага полу. Іншае адносна раньняе згадваньне аб вёсцы ставіцца да 1560 году. Пасьля другога падзелу Рэчы Паспалітай Валосавічы — у складзе Бабруйскага павету Менскае губэрні, уласнасьць земскага судзьдзі Яна Лявонавіча Кялчэўскага. У вёсцы было 13 двароў, 72 душы мужчынскага і 64 — жаночага полу.

У XIX стагодзьдзі Валосавічы — маёнтак, які на 1844 год належаў карнэту палка караля Гановэрскага Жыгімонту Фадзеевічу Кялчэўскаму. У вёсцы было 17 цяглых двароў і 5 двароў «дваровых».

У кастрычніку 1943 году нямецкія захопнікі спалілі ўсю вёску (165 двароў) і загубілі 158 жыхароў.

Насельніцтва

• 1999 год — 469 жыхароў
• 2007 год — 186 двароў, 425 жыхароў
• 2010 год — 402 жыхары

Інфраструктура

У вёсцы знаходзяцца сярэдняя школа-сад, бібліятэка, клюб, фэльчарска-акушэрскі пункт, аддзяленьне сувязі, 2 крамы, комплексна-прыёмны пункт, малочнатаварная й сьвінагадоўчая фэрмы. Цэнтар СПК «Некрашынскі».