Валоскі

Вало́скі^[1] — вёска ў Беларусі, у міжрэччы Мухаўцу і Лясной. Уваходзяць у склад Чэрнінскага сельсавету Берасьцейскага раёну Берасьцейскай вобласьці. Знаходзяцца за 18 км на паўночны ўсход ад Берасьця, за 15 км ад чыгуначнай станцыі Берасьце-Ўсходняе.

Валоскі лац. Vałoskі
Краіна:	Беларусь
Вобласьць:	Берасьцейская
Раён:	Берасьцейскі
Сельсавет:	Чэрнінскі
Насельніцтва:	20 чал. (2010)
Часавы пас:	UTC+3
Тэлефонны код:	+375 162
Паштовы індэкс:	225001
СААТА:	1212850036
Нумарны знак:	1
Геаграфічныя каардынаты:	52°9′33.703″ пн. ш. 23°50′58.798″ у. д.
Валоскі на мапе Беларусі ± Валоскі Валоскі
Галерэя здымкаў у Вікісховішчы

Гісторыя

У XIX ст. вёска Валоскі — дзяржаўная ўласнасьць у Кобрынскім павеце Гарадзенскай губэрні. У 1870 годзе Валоскі належалі да Харытонаўскай сельскай грамады. Паводле вынікаў перапісу 1897 году, у вёсцы было 8 двароў.

25 сакавіка 1918 году згодна з Трэцяй Устаўной граматай Валоскі абвяшчаліся часткай Беларускай Народнай Рэспублікі. 1 студзеня 1919 году ў адпаведнасьці з пастановай І зьезду КП(б) Беларусі яны ўвайшлі ў склад Беларускай ССР, у Берасьцейскі павет («падраён») Баранавіцкага раёну^[2]. Паводле Рыскай мірнай дамовы 1921 году вёска апынулася ў складзе міжваеннай Польскай Рэспублікі, у Зьбіраскай гміне Берасьцейскага павету Палескага ваяводзтва. У гэтым час тут было 9 двароў.

У 1939 годзе Валоскі ўвайшлі ў БССР. У нямецка-савецкую вайну загінулі 5 вяскоўцаў. На 2005 год у Валосках было 7 гаспадарак^[3].

Насельніцтва

• XIX стагодзьдзе: 1858 год — 29 сялянскіх душ; 1897 год — 51 чал.
• XX стагодзьдзе: 1905 год — 55 чал.; 1921 год — 37 чал.; 1959 год — 41 чал.; 1970 год — 34 чал.; 1999 год — 14 чал.
• XXI стагодзьдзе: 2005 год — 20 чал.; 2010 год — 20 чал.