Вера (возера)

Ве́ра — возера ў Браслаўскім раёне Віцебскай вобласьці. Знаходзіцца за 8 км на паўночны ўсход ад места Браслава, за 1 км на поўдзень ад вёскі Слабодкі, у басэйне ракі Друйкі. Уваходзіць у Браслаўскую групу азёраў.

Возера

Вера

Краіна	Беларусь
Плошча	0,21
Плошча вадазбору	5,5
Максымальная глыбіня	5,0
Сярэдняя глыбіня	2,9
Празрыстасьць	да 1
Найбольшая даўжыня	0,85
Найбольшая шырыня	0,35
Даўжыня берагавой лініі	2,0
Вышыня над узроўнем мора	133,1
Аб’ём вады	0,00061
Каардынаты	55°40′3″ пн. ш. 27°10′34″ у. д.

Вера на мапе Беларусі

Вера

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Вера (неадназначнасьць).

Плошча паверхні 0,21 км². Даўжыня 0,85 км, найбольшая шырыня 0,35 км. Найбольшая глыбіня 5,0 м, сярэдняя — 2,9 м. Даўжыня берагавой лініі 2,0 км. Аб’ём вады ў возеры 0,61 млн м³. Мінэралізацыя да 0,2 г/л. Празрыстасьць да 1 м. Плошча вадазбору 5,5 км².

Катлавіна возера тэрмакарставага тыпу. Схілы катлавіны вышынёй 5—8 м, разараныя, месцамі пад хмызьняком. Берагі нізкія, пясчаныя, на захадзе сплавінныя. Берагавая лінія слабазьвілістая. Вакол возера пойма шырынёй 20—30 м. Дно плоскае, да глыбіні 1,5 м пясчанае, глыбей выслана крэменязёмістым сапрапэлем. Возера эўтрофнае, слабапраточнае. Зарастае да глыбіні 1,4 м. Злучана ручаём з возерам Недрава.

У возеры водзяцца шчупак звычайны, акунь, лешч, плотка, гусьцяра, краснапёрка, лінь і іншыя віды рыб.

Вера (возера)

Літаратура

Вонкавыя спасылкі

Wikiwand - on