Вецярэвічы 2

Вецярэ́вічы 2^[1] (таксама сустракаецца Другі́я Вецярэ́вічы^[1]) — вёска ў Пухавіцкім раёне Менскай вобласьці Беларусі. Уваходзіць у склад Шацкага сельсавету.

Вецярэвічы 2
трансьліт. Vieciarevičy 2
Краіна:	Беларусь
Вобласьць:	Менская
Раён:	Пухавіцкі
Сельсавет:	Шацкі
Насельніцтва:	367 чал. (2009)
Часавы пас:	UTC+3
Тэлефонны код:	+375 1713
Паштовы індэкс:	222828
Нумарны знак:	5
Геаграфічныя каардынаты:	53°20′35″ пн. ш. 27°49′27″ у. д.
Вецярэвічы 2 на мапе Беларусі ± Вецярэвічы 2 Вецярэвічы 2

Гісторыя

Паселішча вядома ў ВКЛ з XVI стагодзьдзя. У 1588 годзе сяло, 28 дымоў, у Парэцкай воласьці Менскага павету, шляхецкая ўласнасьць. У 1589 годзе 20 дымоў.

Пасьля 2-га падзелу Рэчы Паспалітай (1793) у складзе Расійскай імпэрыі, у Ігуменскага павету Менскай губэрні. У 1795 годзе мелася карчма. У 1800 годзе ва ўласнасьці Дамініка Радзівіла. У 1870 годзе вёска ў Шацкай воласьці, 107 душ мужчынскага полу. У 1897 годзе меліся капліца, хлебазапасны магазын, піцейны дом. У 1906 годзе адчынена земская народная вучэльня. У 1917 годзе маёнтак Вецярэвічы Шацкай воласьці Ігуменскага павету. Пазьней ператвораны ў вёску Вецярэвічы 2-я.

У Першую сусьветную вайну ў лютым — сьнежні 1918 году была пад акупацыяй войскаў кайзэраўскай Нямеччыны.

25 сакавіка 1918 году згодна з Трэцяй Устаўной граматай вёска абвешчана часткай Беларускай Народнай Рэспублікі. З 1 студзеня 1919 году ў адпаведнасьці з пастановай І зьезду КП(б) Беларусі вёска ўвайшла ў склад БССР.

У жніўні 1919 — ліпені 1920 вёска знаходзілася пад польскай уладай.

З чэрвеня 1941 году да пачатку ліпеня 1944 году вёска была пад нямецкай акупацыяй.

З 4 студзеня 1964 году да 28 траўня 2013 году цэнтар сельсавета Вецярэвіцкага сельсавету^[2].

Насельніцтва

• 1800 год — 25 двароў, 130 жыхароў
• 1897 год — 101 двор, 582 жыхары
• 1917 год — 128 двароў, 721 жыхар
• 1970 год — 111 гаспадарак, 380 жыхароў
• 1996 год — 162 двары, 470 жыхароў^[3].
• 2002 год — 158 двароў, 432 жыхароў.
• 2009 год — 367 чалавек^[4]
• 2012 год — 153 гаспадаркі, 387 жыхароў