Воранаў

Во́ранаў^[1] — былая вёска ў Лельчыцкім раёне Гомельскай вобласьці, за 4 км на поўдзень ад Грабянёў, за 28 км на паўднёвы ўсход ад раённага цэнтру Лельчыцаў, за 37 км ад чыгуначнай станцыі Оўручу. Воранаў уваходзіў у склад Грабянёўскага сельсавету.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Воранаў (неадназначнасьць).

Воранаў
трансьліт. Voranaŭ
Першыя згадкі:	XX стагодзьдзе
Краіна:	Беларусь
Вобласьць:	Гомельская
Раён:	Лельчыцкі
Сельсавет:	Грабянёўскі
Вышыня:	152 м н. у. м.
Часавы пас:	UTC+3
Тэлефонны код:	+375 2356
СААТА:	3228816011
Нумарны знак:	3
Геаграфічныя каардынаты:	51°37′42″ пн. ш. 28°26′7″ у. д.
Воранаў на мапе Беларусі ± Воранаў Воранаў

Гісторыя

Вядома з пачатку XX стагодзьдзя як хутар Лельчыцкай воласьці Мазырскага павету.

У ліпені 1943 году нямецка-фашысцкія захопнікі спалілі ўсю вёску і загубілі 17 жыхароў.

Адселена ў сувязі з катастрофай на Чарнобыльскай АЭС. На 2006 год вёска зьяўлялася нежылой. 30 верасьня 2009 году рашэньнем Лельчыцкага раённага Савету дэпутатаў вёска ліквідаваная^[2].

Насельніцтва

• 1917 год — 17 двароў, 137 жыхароў
• 1940 год — 54 двары, 191 жыхар

Інфраструктура

Дзейнічала камунальнае сельскагаспадарчае прадпрыемства «Грабяні».

Выхадцы

Радзіма генэрал-маёра М. М. Некрашэвіча.